İran

Maksimum 50 gün ərzində İranın yeni prezidenti seçilməlidir - Xamenei

20 May 2024 12:38

Baxış: 2 264

VTB-də minimal faiz dərəcəsi ilə nağd kredit 9.9%-dən

#DÜNYADA #IRAN

Maksimum gələn 50 gün ərzində İranda yeni prezident seçilməlidir.

Milli.Az Trend-ə istinadən xəbər verir ki, bunu İranın Ali Lideri Ayətulla Seyid Əli Xamenei İran prezidenti və onu müşayiət edən şəxslərin ölümü ilə əlaqədar verdiyi başsağlığı müraciətində bildirib.

Onun sözlərinə görə, İran konstitusiyasının 131-ci maddəsinə əsasən, İranın 1-ci vitse-prezidenti Məhəmməd Moxber prezidentin vəzifəsini icra edəcək.

İranın Ali Lideri qeyd edib ki, 1-ci vitse-prezident, məhkəmə sisteminin sədri və parlament sədri yeni prezident seçkilərinin keçirilməsi üçün addımlar atmalıdır.

Qeyd edək ki, 19 mayda İran prezidenti İbrahim Rəisi, xarici işlər naziri Hüseyn Əmir Abdullahian, İranın Ali Liderinin Təbriz üzrə nümayəndəsi Məhəmməd Əli Ali Haşim, Şərqi Azərbaycan vilayətinin valisi Malik Rəhmətini Xudafərindən Təbrizə aparan helikopter vilayətin Vərzəqan rayonunda qəzaya uğrayıb. Qəza nəticəsində 9 nəfər həlak olub.

Milli.Az