İran

İranda silahlı qarşıdurma: Üç SEPAH zabiti öldürüldü - FOTO

15 May 2023 13:58
Baxış: 1 903
VTB-də minimal faiz dərəcəsi ilə nağd kredit 10.49%-dən

İranın Sistan və Bəlucistan əyalətində İslam İnqilabı Keşikçiləri Korpusunun (SEPAH) qüvvələri ilə etnik bəluclar arasında silahlı qarşıdurma olub.

"Azad İran" "Telegram" kanalı xəbər verir ki, bəluc fəallar sosial media kanallarında hadisə ilə bağlı görüntülər paylaşıblar.

Məlumata görə, dünən axşam saatlarında əyalətin İranşəhr şəhərinin Çahcamal bölgəsində baş verən qarşıdurma nəticəsində üç SEPAH üzvü və iki etnik bəluc ölüb, bir neçə nəfər yaralanıb. Öldürülən bəlucların Kazım və Bahadur adlı iki qardaş olduğu qeyd edilib.

Hadisənin təfərrüatı barədə əlavə məlumat verilmir.

Silahlı qarşıdurma SEPAH məmurlarının Çahcamal bölgəsində yaşayış binasına atəş açmasından sonra başlayıb.

Əyalətin polis idarəsinin rəisi Dostəli Cəliliyan silahlı qarşıdurmanın baş verdiyini təsdiqləyib və hökumət məmurlarının narkotik qaçaqmalçılarına qarşı əməliyyat keçirdiyini iddia edib.

O, iki polisin yaralandığını və xəstəxanaya yerləşdirildiyini bildirib, amma insan itkisi barədə heç bir məlumat verməyib.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.