İran

İranda etirazlarda daha iki YENİYETMƏ ÖLDÜRÜLDÜ

28 Noyabr 2022 12:55
Baxış: 2 378
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İranda etirazlar zamanı daha iki yeniyetmə öldürülüb. 16 yaşlı yeniyetmələr - Rza Kazimi və Mahək Haşimi hökumət qüvvələrinin açdığı atəş və dəyənək zərbələri nəticəsində dünyalarını dəyişib.

Milli.Az xəbər verir ki, bunu bizim.media "Azad İran" teleqram kanalına istinadən verib.

İnsan haqları təşkilatlarının verdiyi məlumata görə, noyabrın 27-i Şiraz və Kamyaran şəhərlərində etirazlar zamanı gülləllənən və döyülən iki yeniyetmə həyatını itirib.

Rza Kazimi noyabrın 21-də etiraz aksiyasında güllə yarası aldıqdan sonra xəstəxanaya köçürülüb. Yarası ağır olan Rza Kazimi ayın 27-də dünyasını dəyişib.

Mahək Haşimi isə noyabrın 25-də Şiraz şəhərində keçirilən etiraz aksiyasına qatıldığına görə döyülüb. Ağır bədən xəsarətləri ilə xəstəxanaya yerləşdirilən yeniyetmə qız noyabrın 27-də həyatını itirib.
Qeyd edək ki, İranda etiraz aksiyaları başlayandan bu günə kimi 60-dan çox uşaq hökumət qüvvələri tərəfindən qətlə yetirilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.