Maraqlı

Saç rəngini bu üsulla açın

10 Oktyabr 2021 14:30
0 Şərh     Baxış: 530

Allergiyası olan xanımlar saçlarının rəngini açmaq istəsələr də kimyəvi tərkibli boyalardan ehtiyatlanaraq bu addımı atmırlar. Üstəlik boyanın saça vurduğu ziyan da olduqca böyükdür.

Milli.Az Axşam.az-a istinadən xəbər verir ki, çobanyastığı saçları zədələmədən rəngini açmağa imkan verən təbii vasitədir.  

Bir ovuc qurudulmuş çobanyastığını ən azı 2 stəkan suda qaynadın. Suyun rəngi dəyişdikdən sonra 10-15 dəqiqə soyumağa buraxın. Saçlarınızı bu su ilə yuyub qurudun. Bu saçınızın rəngini bir ton daha açacaqdır. Daha yaxşı nəticə əldə etmək üçün proseduru 4-5 dəfə təkrarlamaq lazımdır.

Saç quruduqdan sonra onu çobanyastığı suyundan arındırın. Saçları sonda təmiz su ilə yumaq vacibdir. Çobanyastığı suyunun saçda qalması onu zədələyə bilər.

Eyni zamanda bu proses hər gün tətbiq edilməməlidir. Hər iki gündən bir və gün aşırı təkrarlaya bilərsiniz. İki həftəlik fasilələrlə 2-3 həftə tətbiq edildikdən sonra saçın rəngi 3 tona daha açıq olacaq.

Çobanyastığı suyu saçların rəngini açmaqla yanaşı tökülmənin qarşısını alır, daha dolğun görünməsini təmin edir və saç köklərini gücləndirir.

Milli.Az 

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.