Maraqlı

Yüksəklikdə ac qalmaq olar?! - Təyyarədə verilən qidalarla tanış olaq

10 Oktyabr 2021 21:20
0 Şərh     Baxış: 444

Təyyarə ilə səyahət edən ilk sərnişinlər XX əsrin ilk 20-ci ilinə qədər diskomfort, səs-küylü və qısa marşrutlar üzrə səyahət edirdilər. Aviadaşıyıclar qidalanmaya önəm vermirdilər. Digər tərəfdən qısa məsafəli uçuşlarda sərnişinlər hava limanlarında qidalanıb yola düşürdülər. Milli.Az aviatravel.az-a istinadən bildirir ki, 1919-cu ildə London-Paris uçuşu zamanı göyərtədə ilk dəfə sendviç və meyvələr təklif edildi. 1930-cu illərdə daha modern və səsdən hermetikləşdirmə edilmiş təyyarə ilə səyahət başladı və təyyarələrə mətbəx avadanlıqları əlavə edildi.

Artıq hava gəmisində yemək qızdırmaq və isti çay və kofe təklif etmək mümkün oldu. "Boeing 307 Stratoliner"-in göyərtəsində ilk dəfə olaraq sərnişinlərə qızardılmış toyuq və siqaret təklif edilməyə başlandı. Bu hadisə ilə göyərtə qidası getdikçə ixtisaslaşdı. Həmin sahə ilə məşğul olan şirkətlər hava limanları ərazisində bu işlə geniş məşğul olmağa başladılar və hətta fabrikdən fərqlənməyən texniki avadanlıqlarla mətbəxlərin böyütdülər. Rəqabət artdıqca yeniliklər də çoxaldı. Artıq aviadaşıyıcılar birinci sinif sərnişinləri üçün göyərtədə bahalı və nadir qida və içki təqdim etməyə başladılar.

Göyərtə qidası hazırlayan ketrinq şirkətləri nə qədər çox təyyarəyə xidmət göstərirsə bir o qədər çox gəlir əldə edirdi. Növbəti olaraq belə müəssislələr "Michelin" ulduzlu aşpazları öz mətbəxlərinə dəvət etdilər. Tanınmış aşpazların hazırladığı ekslklüziv yeməklər qat-qat baha qiymətə satıldığından əlavə gəlir mənbəyi yarandı.

Göyərtədə verilən qidaların sayı və çeşidləri artdıqca onu istehsal edən müəssisələrdə böyüyürdü. Lakin digər bir problem təyyarəyə yüklənən göyərtənin artıq çəki yığmasına və daha çox yanacaq sərf etməsinə gətirib çıxarırdı. İlk öncə aviadaşıyıcılar biletlərin qiymətlərin yemək seçimindən asılı olaraq dəyişməyə başladı. Lakin daha sonra verilən menyuda hər hansı qidada nəzərə çarpmayacaq dəyişiklər etdilər. Misal üçün "American Airlines" şirkəti birinci sinif yeməkdə hər qabda zeytunun bir dənəsin azaldaraq 40 min dollar qənaət edib. Çəkinin önəmi böyük olduğu üçün təyyarələrdə qidalar xüsusi plastik və aliminiyum konteynerlərdə təqdim edilir. Fərqlilik çox olsa da istər biznes sinif istərsə də ekonom sinifdə yemək padnosunda eyni olan duz və istiot paketi, nəm və quru salfet daxildir.

Eyni təyyarədə fərqli yemək zövqünə malik və hər təklif edilən standart qidanı yeməyən sərnişinlər olur. Buna görə də aviadaşıyıcıların sifarişi ilə ketrinqlər tərəfindən xüsusi qidalar hazırlanır. Bilet alarkən seçəcəyiniz xüsusi göyərtə qidalarının növlərinə görə onlara verilən beynəlxalq kodları ilə tanış ola bilərsiniz:

CHML: (Uşaq yeməyi): Xüsusi olaraq uşaqlar üçün nəzərdə tutulan menyu.

BBML:(körpə yeməyi): 2 yaşa qədər uşaqlar üçün bütün keyfiyyət standartlarına cavab verən tərəvəz və meyvə tərkibli xüsusi qida.

Vegetarianlar üçün: AVML: Asiya vegetarian qidası (Hind vegetarian qidası)

RVML: Vegetarian qidası (ətsiz naharlar, tərkibində süd məhsulları ola bilər)

VGML: Ciddi qərb vegetarian qidası

VLML: Tərkibində ət məhsulları, balıq və ya dəniz məhsulları olmayan qida. Qidanın tərkibində süd məhsulları və yumurta ola bilər)

NLML: Tərkibində süd məhsulları olamayan qida

VOML: Şərq vegetarian qidası

Pəhriz yeməkləri: DBML: Diabetik qida

GFML: Tərkibində qlüten olmayan qida

LFML: Tərkibində az miqdarda yağ olan qida

LSML: Tərkibində az miqdarda duz olan qida

LCML: Az kalorili qida

LPML: Tərkibində az miqdarda zülal olan qida

PRML: Tərkibinə az miqdarda purin olan qida

Etnik yemək HNML: Hind qidası KSML: Koşer qidası

MOML: Müsəlman qidası

ORML: Şərq qidası

VJML: Caynizm davamçıları üçün vegetarian qidası

Xüsusi tələbatlar SFML: Dəniz məhsullarından hazırlanmış qida

BLML: Həzm etmə və ya qidanın çeynənməsi ilə problemi olanlar üçün üyüdülmüş yumşaq qida

FPML: Təzə mövsümi meyvələrdən hazırlanmış qida

NFML: Tərkibində balıq və digər dəniz məhsulları olmayan qida

HFML: Tərkibində çox miqdarda sellüloz olan qida

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.