Namazından qafil olanlar üçün ciddi xəbərdarlıq

Çoxlarımız "Maun" surəsini oxumuşuq və bu surənin 4-cü ayəsində oxuyuruq: "Vay halına o namaz qılanların ki, Onlar öz namazlarından qafildirlər və ona etinasızdırlar". ("Maun" 4-5).

Bu ayədən göründüyü kimi hər bir namazın dəyəri yoxdur. Hər bir namaz dinin sütunu deyildir. Bəs bu hansı namazlardır? (Tebyan)

1. Qiyamətə qarşı diqqətsiz olmaq. "(Ya Peyğəmbər!) Allahın dinini və cəza gününü yalan hesab edəni gördünmü?". ("Maun" 1). Bu cür insan nifaqdan uzaq olmaz. Çünki qiyamət gününü inkar edən insan zahirdə imanlı görünsə də, həqiqi mömin ola bilməz. Müsəlmanların namazını qılar, ancaq elə qılar ki, namaza bənzəməz. Əlbəttə burada qiyaməti inkar etmək ürəklə inkar etməkdir, dildə deyil. Bu surə o kəslərə xitab edir ki, namaz qılırlar və dildə Qiyaməti qəbul edirlər. Ancaq əməlləri elə əməllərdir ki, Qiyamətdən qorxan insanın əməlinə bənzəmir.

2. Yetimlərə qarşı laqeyd olmaq. "Bəli, o, həmin o kəsdir ki, yetimi hiddətlə qovar. Və (heç kimi) yoxsulları yedirtməyə rəğbətləndirməz". ("Maun" 2-3). Namazla yetimə diqqət etməyin birbaşa əlaqəsi vardır. Mömin və həqiqi namazqılan özünü həqiqi Malik hesab etməz. Malının bir hissəsini başqa yaradılmışlara də verər. Quranda çox sayda ayə vardır ki, namazla zəkatı bir yerdə bəyan etmişdir.

3. Namazı yüngül hesab etmək. "Onlar öz namazlarından qafildirlər və ona etinasızdırlar". ("Maun" 5). Bu insanlar namaza çox da əhəmyyət verməzlər. Onun qəza olmasına belə diqqət etməzlər. Bu insanlar namazda səhlənkarlıq edər və onu zay edərlər.

4. Riyakarlıq. "Onlar riyakarlıq edər". ("Maun" 6). O kəslər ki, namazı insanların içində bütün adəb və qaydası ilə qılarlar, riyakardırlar. Zahirdə təvazökar əhlidirlər. Lakin batində günahdan əl çəkmirlər. Dünyada axirəti əldə etmək yerinə axirətini zay edirlər. İslam təlimlərində riya - şirkdir. İmam Sadiq (ə) bu insanları müşrik adlandırır. Riyakar elə bir insandır ki, əgər təriflənərsə, yaxşı işlərinin sayını artırar. Əgər təriflənməzsə yaxşı işlərini azaldar.

5. Simiclik. Bu insanlar zəkatı, yardımı, infaqı, sədəqəni əsirgəyərlər. O namazqılan ki, insanlara xidmət etməkdən qafil olar, onalara infaqdan da qafil olar və simiclik edər.

Ona görə də deyə bilərik ki, o namazqılan Allah tərəfindən tərifə layiqdir ki, Qiyaməti və məadı qədul edər və iman gətirər, yetimlərə və yoxsullara diqqət edər, namazı zay etməz, namazı ancaq Allah üçün qılar. Bu cür namaz daimi və həqiqi namaz olar.

Milli.Az