Maraqlı

Dik uçurumdan sallanan "dağ evi" - FOTO

14 İyun 2021 22:30
Baxış: 1 083

Minimalizm və qeyri-adi arxitekturaya həvəs göstərən iranlı gənc dizayner "dağ evi"nin fantastik konseptual layihəsini təqdim edib.

Milli.Az AZƏRTAC-a istinadən bildirir ki, dizayner dərin bir dərənin üstündə asılı qalan 4 köhnə ağac ətrafında yerləşən futuristik bir yaşayış binasının - villanın modul konstruksiyasını hazırlayıb.

Layihə müəllifi nə dağın quruluşuna, nə də ərazidə böyüyən ağaclara təsir göstərmədən yaşayış yeri yaratmaq niyyətindədir. Bunu etmək üçün landşaftdan və qaya çıxıntıları şəklində maneələrdən, eləcə də şaquli olaraq yığılmış bir sıra modul konstruksiyalardan istifadə edib. Binanın divarları və qismən də tavanları şüşə panellərlə əvəz olunduğuna görə hər otaqdan ətrafa gözəl mənzərələr açılır.

Burada ailənin istirahəti üçün oyun və bilyard otağı, idman zalı və hovuz da nəzərdə tutulub.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.