Maraqlı

Behiştdə ev sahibi olmaq istəyən, nə etməlidir?

2 May 2021 22:20
Baxış: 1 060

Bəzi əməllər vardır ki, insan əgər dünyada onları yerinə yetirərsə, behiştdə ev sahibi olar. Bu əməllər ilə tanış olaq:

1. Məscid təsis etmək. Həzrət Peyğəmbər (s) buyurur: "Öləndən sonra yeddi şey vardır ki, savabı bəndə üçün yazılmış olar. O cümlədən, məscid inşa etməkdir".

İmam Baqir (ə) buyurur: "Hər kim daş yeyən quşun yuvası boyda belə olsa, məscid inşa edərsə, Allah onun üçün behiştdə ev inşa edər".

2. Məscidi genişləndirmək. Həzrət Peyğəmbər (s) bir dəstənin yanından keçir ki, məscid inşa etmək üçün plan cızmaqla məşğul idilər. Onlar məhdud bir ölçüdə məscidi nəzərdə tuturdular.

Həzrət (s) onlara buyurur: "Onu genişləndirin. Onu (cəmiyyətlə) doldurun".

Onlar da Peyğəmbərin (s) əmri ilə məscidi genişləndirirlər.

3. Məscidi abad etmək. İmam Əli (ə) buyurur: "Nə zaman Allah iradə etsə ki, yer əhlini əzaba düçar etsin, buyurar: "Əgər Mənim əzəmət və böyüklüyümə görə bir-birini sevən kəslər olmasaydı, məscidlərimi abad edənlər olmasaydı, səhər çağı istiğfar və bağışlanma istəyənlər olmasaydı - əzabımı mütləq nazil edərdim"".

4. Məcsidi səliqəyə salmaq. İmam Sadiq (ə) buyurur: "O kəs ki, sinəsinin bəlğəmini məscidə ehtiram olaraq məscidə ağzından tökməsə - dərdə tutulmaz, məgər o halda ki, Allah həmin dərdi ondan götürər".

Həzrət Peyğəmbər (s) buyurur: "O kəs ki, məscidə gedər - Allah onun üçün qul azad etməyin savabını yazar. O kəs ki, kiçik ot və çubuq parçasını məcsiddən bayıra çıxardar - Allah onun üçün dünya və axirətin rəhmətini yazar. O kəs ki, cümə gecəsi məscidə gedər və oradan gözə girəcək qədər toz-torpağı bayıra çıxardarsa - bağışlanılar".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.