Maraqlı

Valideyn övladının günahında şərikdirmi?

7 Mart 2021 20:20

Baxış: 895

VTB-də minimal faiz dərəcəsi ilə nağd kredit 9.9%-dən

#DİN

İslam dininin belə bir qanunu vardır ki, deyir: "Hər kəs öz günah yükünü özü çiyninə götürəcəkdir. Heç kəs başqasının günah yükünü çiyninə götürməyəcəkdir".

"Kim doğru yola gəlsə - ancaq öz xeyrinə doğru yola gəlib və kim yolunu azsa - öz ziyanına azmışdır. Heç bir günahkar başqasının günahını daşıyan deyildir. Biz (dünyada heç bir millətə, onları oyatmaq üçün) bir peyğəmbər göndərməyincə (köklərini kəsəcək) əzab verməmişik". ("İsra" 15).

Ancaq dinimiz eyni zamanda buyurur ki, əgər kimsə başqasının günah etməsində rola malik olarsa, başqasının günahı onun da ətəklərindən yapışacaqdır. Qurani-Kərimdə bu haqda buyurulur: "Nəhayət, onlar Qiyamət günü özlərinin günah yüklərini tamamilə və həmçinin nadanlıqlarına görə yoldan azdırdıqları kəslərin günah yüklərinin bir hissəsini (bunların vasitəsilə baş vermiş miqdarını) götürərlər. Bilin, onların götürdükləri pis bir yükdür!". ("Nəhl" 25).

Ona görə də əgər valideyn övladının pis əməlində rola malik olarsa, o zaman o da təqsirkar olar. Əgər övladına əmr-be-məruf etməzsə, ona dini tanıtmazsa və ya səhlənkarlıq edərsə - o da təqsirkar olacaqdır.

Ancaq əksinə - əgər övladının hidayət olmasında səy göstərərsə, o zaman onun yaxşı əməllərində də şərik olar. Əgər valideyn övladının yolunu azmasında rola malik olarsa, o zaman onun günahında da şərik olar. Çünki saleh övlad yetişdirməkdə səhlənkarlıq etmişdir.

İmam Kazım (ə) nəql edir ki, bir nəfər Həzrət Peyğəmbərə (s) sual verir ki, atanın övlad üzərindəki haqqı nədir? Həzrət (s) buyurur: "(Övlad) onu adı ilə çağırmasın. Yol gedən zaman onun qarşısında getməsin. Ondan əvvəl əyləşməsin. Elə iş görməsin ki, insanlar atasına nalayiq söz desinlər".

Milli.Az

Milli.Az - Xəbər Portalı

Valideyn övladının günahında şərikdirmi?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?