Maraqlı

Dəri, dırnaq, saç və arqan yağı

25 Fevral 2021 21:30
Baxış: 1 182
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Arqan yağının tərkibindəki aktiv birləşmələr dərini ən yüksək dərəcədə qoruyur. Bu bitki yağı yaraları sağaltmaq qabiliyyətinə malikdir. Arqan yağı dərini günəş şüalarından qoruyur və mikrobları öldürür. Arqan yağının tərkibində steroller var ki, dərinin nəmliyini qoruyub saxlayır və dərinin yaşlanmasının qarşısını alır. Tərkibində olan E vitamini sayəsində o dərini nəm tutmaqla yanaşı, qırışların sayını azaldır və dərini cavanlaşdırır. Arqan yağı dəridə olan akne xəstəliyini, günəş yanıqlarından qalan izləri və bəzi dəri xəstəliklərinin müalicəsində də istifadə edilir. Bunun üçün pambıq arqan yağına batırılır, dəriyə sürtülür və 1 saat sonra ilıq su ilə yuyulur.
Arqan yağı saç dərisini və saçları da nəmləndirir. O saç diblərini qidalandırır və saçların uzanmasına səbəb olur. Arqan yağı ilə bir müddət saçlara qulluq etdikdə, saçlar daha dolğun və həcmli olur. Arqan yağı müasir dünyada saça qulluq vasitələri arasında ön sıralarda durur. Bu məqsədlə arqan yağı saç dərisinə sürtülür 1 saat sonra saçlar şampunla yuyulur.
Dırnaqları tez qırılmağa meyilli və zəif olan adamlar da dərdlərinin çarəsini arqan yağında tapa bilərlər. Belə ki, dırnaq patologiyaları olanlar bir müddət dırnaqlarına arqan yağı sürdükdən sonra patologiyanın aradan qalxdığını görür. Arqan yağı ilə dırnaqlara qulluq etdikdən bir müddət sonra dırnaqlar möhkəmlənir. Yaxşı nəticə əldə etmək üçün dırnaqlara arqan yağı sürtüb bir-neçə saat müddətində əlləri suya vurmamaq lazımdır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.