Maraqlı

Koronavirus xəstəsi neçə gün təhlükəlidir?

20 Yanvar 2021 22:14
Baxış: 1 365

Koronavirus xəstəsinin PCR testi ilk simptomlar ortaya çıxdıqdan sonra uzun müddət müsbət nəticələr göstərə bilər, lakin bu, onun başqaları üçün yoluxucu olduğu anlamına gəlmir.

Milli.Az xəbər verir ki, bu barədə Ümumdünya Səhiyyə Təşkilatının (ÜST) Rusiyadakı nümayəndəsi Melita Vuynoviç söyləyib.

"İlkin araşdırmalara görə, əksər xəstələr simptomlar başladıqdan yalnız səkkiz-doqquz gün ərzində yoluxucudur, ağır xəstələrdə bu yoluxuculuq dövrü daha uzun ola bilər", - ekspert "Rossiyskaya qazeta"ya verdiyi müsahibədə qeyd edib.

Vuynoviç virusu başqalarına yoluxdurmaq üçün bir insanın canlı virus daşıması lazım olduğunu açıqlayıb. Standart karantin müddəti (14 gün) inkubasiya dövrünün uzunluğuna əsaslanır.

ÜST-yə görə, yoluxuculuq orta hesabla 5-6 gün davam edir və yuxarı həddi 2 həftədir. (publika.az)

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.