Maraqlı

Mədə polipi

14 Yanvar 2021 08:21
Baxış: 574
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Mədə polipi mədənin xoşxassili şiş xəstəliyidir Xəstəlik özünü mədədə əmələ gələn adenomatozlarla biruzə verir.Poliplər mədə divarının epitel toxumasında əmələ gəlir, hiperplastik olub mədənin içərisinə doğru boyüyür.
Adenomatoz poliplər(adenomalar) adətən təsadüfən rentgenoloji müayinə nəticəsində aşkar edilir.Poliplər bəzən qanaxmaya,bağırsaq fəaliyyətinə dəyişikliklərə, qarında ağrılara səbəb ola bilir.Poliplər xoşxassəli hesab edilsələr də onların xərçəngə çevrilmə riski böyük hesab edilir.Mədəsində polip olan insanların 30%-nin bağırsaqlarında da poliplər meydana gəlir.Xəstəliyə tez-tez rast gəlinir, uşaqlarda böyüklərə nisbətən daha çox baş verir.
Xəstəliyin əmələ gəlmə səbəbi kimi mədənin divarındakı degenerasiya prosesinin pozulması, qastritin olması əsas götürülür.Amma, irsi meyilliliyin olması da danılmır.
Mədənin polip xəstəliyinə diaqnozun qoyulmasında rentgen müayinəsi, qastroskopiya ilə bərabər, poliplərdən alınmış biopsiyanın nəticələri əsas götürülür.
Mədə polipi iki cür olur:
- hiperplastik
- adenomatoz
Poliplər histoloji müayinənin nəticələrinə görə aşağıdakı növlərə ayrılır:
a) papilyar adenoma və ya barmaqşəkilli böyümüş polip
b) tubulyar adenoma
c) papilotubulyar adenoma
Mədə polipinin xəstəyə verdiyi narahatlıqlar polipin ölçüsünə və növünə uyğun olaraq dəyişir.
Mədə polipi zamanı xəstədə aşağıdakı əlamətlər özünü göstərir:
- yeməkdən sonra ağırlıq hissi
- hıçqırıq

- ürəkbulanma
- mədə qanaxması
- qarında ağrılar

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.