Maraqlı

Alimlər ürək tutması zamanı ölüm riskini azaldan cihaz hazırladılar

10 Yanvar 2021 23:45

Baxış: 1 303

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Ürək tutması dünya miqyasında ölümün əsas səbəblərindən biridir və bu səbəbdən ildə 7-9 milyon insan ölür. Standart tibbi müdaxilə ilə hər 10 nəfərdən yalnız 1-i ürək tutmasından sağalmağı bacarır.

Milli.Az ted.az-a istinadən bildirir ki, Danimarkanın paytaxtı Kopenhagendə hazırlanan Neurescue adlı yeni cihazla sağ qalma nisbətini hər 10 nəfərdən 9-a yüksəltməyi hədəfləyir.

ABŞ Qida və Dərman İdarəsi (FDA) tərəfindən araşdırılan cihaz həyati təhlükə olan hallarda beyin və ürəyə qan axınını artırmaq üçün hazırlanıb.

CNBC-nin verdiyi xəbərə görə, cihaz bir həkimin qan itkisinə nəzarət etməsi üçün vaxtı ikiqat artıra, stent və ya kardiostimulyator kimi həyat qurtaran əlavə prosedurlar üçün fürsət yarada bilir.

BİR DƏQİQƏ ƏRZİNDƏ QAN AXININI BLOK EDİR

Neurescue ayaqlardakı femoral arteriyaya yerləşdirilərək bir dəqiqə ərzində bədənin aşağı hissəsindəki qan axınının qarşısını alır və həyati orqanlara yönəldir.

Layihə rəhbəri Həbib Frost Neurescue ilə zaman qazanmağı, bununla da xəstələri ürək fəaliyyətini dəstəkləyən avadanlıqlara çatdırmaq, həmçinin stent və kardiostimulyator quraşdırmaq imkanı qazanmaq niyyətində olduqlarını söyləyib

Milli.Az