Maraqlı

Apple bu il hansı məhsulları təqdim edəcək?

10 Yanvar 2021 22:55
Baxış: 853
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Məşhur analitik Ming-Chi Kuo, Apple şirkətinin bu il üçün hansı məhsulları təqdim edəcəyi barəsində proqnozlarını bölüşüb. Bu barədə Macrumors saytı xəbər verib. Analitik əmindir ki, şirkət bu il Apple AirTag adlı axtarış trekerini təqdim edəcək. Sözügedən cihazın hələ keçən il təqdim olunması gözlənilirdi. Lakin bu, baş vermədi. Qeyd etmək lazımdır ki, bu cihaz müxtəlif itmiş əşyaların tapılması üçün nəzərdə tutulub. Bunun üçün cihaz həmin əşyalara bərkidilir.

Buna misal olaraq smartfonu, portmanatı, açarları və s. gətirmək olar. Nəticədə istifadəçi itmiş əşyaların harda yerləşdiyini tapa biləcək. Bundan əlavə olaraq bu il Apple şirkətinin artırılmış reallıq cihazı təqdim edəcəyi gözlənilir. Məlumata əsasən söhbət, Apple Glass eynəyindən gedir. Qeyd etmək lazımdır ki, son bir neçə il ərzində Apple şirkətinin bu cür cihaz üzərində çalışması barədə bir çox məlumatlar ortaya çıxıb. Təəssüflər olsun ki, şirkətin artırılmış reallıq cihazı barəsində dəqiq bir məlumat hələki yoxdur.

Bununla yanaşı 2021-ci ildə yeni naqilsiz AirPods modellərinin, Apple şirkətinin fərdi ARM prosessorları ilə təchiz olunacaq yeni kompüterlərin və ilk mini-LED ekranlı cihazların təqdim olunacağı güman edilir. Məlumata əsasən mini-LED ekranlı ilk cihazlar arasında 12.9 düym ekranlı iPad Pro planşeti və MacBook kompüterləri olacaqlar. Təbii ki, iPhone 13 smartfon seriyasını da unutmaq lazım deyil. Yeni iPhone modellərinin payız fəslində təqdim olunacağı gözlənilir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.