Maraqlı

Zöhr namazını qılmadan əsr namazını qılmaq olarmı?

29 Noyabr 2020 22:15
Baxış: 1 173
VTB-də minimal faiz dərəcəsi ilə nağd kredit 9.9%-dən
#DİN

Gündəlik namazların qılınma ardıcıllığında bəzi qaydalar vardır. Bu qaydalara mütləq riayət etmək lazımdır. Belə ki, əsr namazını yalnız zöhr namazını qıldıqdan sonra qılmaq icazəlidir. Əgər insan bir günün zöhr namazını qılmayıbsa, əsr namazını qıla bilməz. Bu qayda həm əda, həm də qəza namazlarına aiddir. Yəni insan hər hansı səbəb üzündən eyni günün zöhr və əsr namazlarını vaxtında qılmamışsa, qəza edərkən əvvəlcə zöhr, sonra əsr namazını qılmalıdır. Diqqət yetirin ki, bu qayda eyni günün zöhr və əsr namazlarına aiddir.

Bir halda istisna vardır. O da bundan ibarətdir ki, insan hər hansı səbəb üzündən zöhr namazını vaxtında qıla bilməmişsə, məğrib azanına cəmi 5 rükət namaza bəs edəcək vaxtdan da az fürsət qalıbsa, bu halda əsr namazını əda niyyətilə qılmalı, daha sonra (yəni məğrib azanından sonra) zöhr namazını qəza etməlidir. Amma məğribə 5 rükətlik vaxt qalıbsa, zöhr namazını, ardınsa əsr namazını qılmalıdır. Bu halda əsr namazının ilk rükətinin məğrib azanından qabaq tamamlanması kifayət edər, o biri rükətlər məğrib azanından sonraya da düşsə, eybi yoxdur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.