Maraqlı

Elektromobilin geniş tətbiqi neft dövrünün sonunu yaxınlaşdıra bilər - ÇİNDƏ

21 Noyabr 2020 19:50

Baxış: 914

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Çində elektrikli avtomobillərdən istifadənin sürətlə genişlənməsi 2030-cu ilə qədər qlobal neft istehlakını 70% azalda və neft dövrünün sonunu yaxınlaşdıra bilər.

Milli.Az ted.az-a istinadən bildirir ki, bu qənaətə Carbon Tracker araşdırma mərkəzi gəlib.

Mərkəzin mütəxəssisləri hesab edir ki, yeni enerjili nəqliyyat vasitələrinin (NEV) satışının tədricən artdığı Çində yaxın 10 ildə benzinə tələbat kəskin azalacaq və bu, ölkəyə 80 milyard ABŞ dollarından artıq vəsaitə qənaət etməyə imkan verəcək. Bu araşdırma 2030-cu ilə qədər Çində avtomobil satışlarının 40%-nin, Hindistan və s. inkişaf edən ölkələrdə isə 20%-nin elektromobillərin payına düşəcəyi barədə Beynəlxalq Enerji Agentliyinin (İEA) "ehtiyatlı" proqnozuna söykənir.

Araşdırmaya görə, bir ədəd ənənəvi avtomobili yanacaqla doldurmaq üçün sərf olunan neft bir ədəd elektrikli avtomobili dolduran günəş batareyası avadanlığından 10 dəfə baha başa gəlir. Üstəlik, elektrik enerjisinin hasil olunduğu bərpa olunan enerji mənbələri tədricən ucuzlaşır.

İqlim dəyişikliyinin başlıca amillərindən olan istixana qazlarını azaltmaq, bununla da havanın keyfiyyətini artırmaq istiqamətində Çində görülən məqsədyönlü işlərin mühüm istiqaməti elektrikli avtomobillərinin daha geniş tətbiqidir. Ölkədə ənənəvi yanacaqla işləyən avtomobillərə nə zaman qadağa qoyulacağı hələlik bəlli olmasa da, bu yaxınlarda verilən rəsmi açıqlamaya görə, 2035-ci ilə qədər avtomobil satışlarının 50%-i NEV-lərin, qalan 50%-i isə hibrid avtomobillərinin payına düşməlidir.

Paylaş

Milli.Az