Sağlamlıq

Alkoqol içənlərin beynində nə baş verir? - Alimlər səbəbini açıqladı

4 Sentyabr 2026 15:24

Baxış: 434

VTB-də minimal faiz dərəcəsi ilə nağd kredit 9.9%-dən

#ARAŞDIRMA

Yeniyetməlik dövründə təkrar və həddindən artıq alkoqol istifadəsinin beynin strukturuna və fəaliyyətinə mənfi təsir göstərdiyi müəyyənləşib.

Milli.Az xəbər verir ki, araşdırma ABŞ-nin Marşall Universitetinin Joan C. Edwards Tibb Fakültəsinin alimləri tərəfindən aparılıb.

Tədqiqat zamanı məlum olub ki, yeniyetməlikdə alkoqola məruz qalma beyindəki əlaqələri poza və bu dəyişikliklər uzun müddət alkoqoldan uzaq qalındıqdan sonra belə davam edə bilər.

Alimlər bildiriblər ki, beyində yaranan dəyişikliklər yetkinlik dövründə qorxu ilə əlaqəli davranışlara da təsir göstərə bilər.

Tədqiqatın müəlliflərindən dosent Meri-Luiz Rişer bildirib ki, araşdırmanın əsas məqsədi yeniyetməlik dövründə həddindən artıq alkoqol istifadəsinin psixi sağlamlığa və həyat keyfiyyətinə uzunmüddətli təsirlərini anlamaqdır.

Alimlərin sözlərinə görə, əldə olunan nəticələr yeniyetməlikdə alkoqol istifadəsinin uzunmüddətli fəsadları barədə ictimai məlumatlılığın artırılmasının vacibliyini göstərir. Tədqiqatçılar həmçinin bu təsirləri azaltmağa kömək edə biləcək yeni müalicə üsullarının hazırlanmasını hədəfləyirlər.

Müəllif: Mina Mikayılova (Milli.Az müxbir)