Maraqlı

EMEA regionunda İT xərcləri 1 trilyon dolları ötəcək

19 Noyabr 2020 23:20
Baxış: 972
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"Gartner" analitik şirkətinin proqnozuna görə, 2021-ci ilin nəticəsinə görə, EMEA (Avropa, Yaxın Şərq, Afrika) regionunda informasiya texnologiyalarına xərclər ötən illə müqayisədə 2,8% yüksələrək 1,075 trilyon dollar təşkil edəcək. Cari ildə regional İT bazarında 6,5% azalma gözlənilir.

Milli.Az ictnews.az-a istinadən bildirir ki, "Brexit effekti və COVID-19 koronavirusunun səhiyyə sisteminə təsiri 2020-ci ildə EMEA regionunda İT xərclərinin azalmasına gətirib çıxaracaq" - "IT Symposium/XPO EMEA" virtual konfransında Con Devid Lavlok deyib. Pandemiyadan əvvəl əksər şirkətlər öz rəqəmsal strategiyalarını sabit şəkildə təbliğ edirdilər.

"Gartner"in proqnozuna əsasən, 2021-ci ildə korporativ proqram təminatı və məlumat mərkəzləri üçün sistemlər seqmentlərində xərclər üzrə ən yüksək artım tempi qeydə alınacaq. 2021-ci ildə istehlakçılar və təşkilatlar tərəfindən İT avadanlıq alışı 1,7% artacaq.

"Distant iş strateji kadr siyasətinə çevrilib. Bunun üçün mobil fərdi kompüterlər lazımdır və EMEA regionunda şirkətlər bəzi xərclərini belə kompüterlərə yönəldir" - "Gartner"in tədqiqatlar üzrə vitse-prezidenti Rancit Atval deyib.

Analitiklərin gözləntisinə görə, gələn il Böyük Britaniyada distant işləyən əməkdaşlar işçi qüvvəsinin 48%-ni təşkil edəcək. Bu, ABŞ-dan sonra dünyada ən yüksək göstəricidir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.