Maraqlı

Daha əvvəlki iPhone-ların qutularında da EarPods qulaqlıqları ilə şarj cihazı olmayacaq

15 Oktyabr 2020 19:20
Baxış: 691
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

iPhone 12 smartfon seriyasının təqdimatı çərçivəsində Apple şirkəti elan etdi ki, bundan sonra o öz smartfonlarının qutularına EarPods qulaqlıqları ilə şarj cihazını yerləşdirməyəcək. Məlum olub ki, bu qərar həmçinin daha əvvəlki iPhone modellərini də əhatə edir. Bu barədə Gagadget saytı xəbər verib. Belə ki, Apple şirkətinin rəsmi saytında verilmiş məlumata əsasən iPhone 11, iPhone XR və iPhone SE (2020) smartfonlarının qutularında da EarPods qulaqlıqları ilə şarj cihazı olmayacaq.

Bundan sonra bu smartfonların qutularında yalnız USB-C - Lightning naqili olacaq. Qeyd etmək lazımdır ki, daha əvvəllər bu smartfonların qutularında USB-A - Lightning naqili olurdu. Həmçinin iPhone 12-nin təqdim olunması ilə şirkət iPhone 11 Pro və iPhone 11 Pro Max modellərini satışdan çıxartdı və iPhone 11 ilə iPhone XR-in qiymətini aşağı saldı.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.