Maraqlı

Dənizdən tapdığı nəsnə ilə milyonçu oldu

14 Oktyabr 2020 21:10
Baxış: 1 758
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Lanyuy adasının Li adlı sakini çimərlikdə donub qalmış kaşalot qusuntusunun bir hissəsini tapıb.

Milli.Az xəbər verir ki, bu tapıntını 6 milyon tayvan dolları və ya 210 min dollar olaraq qiymətləndiriblər.

Li şirin qoxu saçan 4 kiloqramlıq tapıntını hələ mart ayında aşkar edib və evə aparmaq qərarına gəlib. Linin dostu ona tapıntının bir hissəsini Qaosyun Milli Universitetinə verməyi məsləhət görüb. Biologiya elmləri dosenti Çenq Şi-İe 7 oktyabrda həmin boz ənbərin olduqca nadir və dəyərli tapıntı olduğunu təsdiq edib.

Alim qeyd edib ki, boz ənbər kaşalotların həzm yolunda əmələ gəlir. Onu çox zaman "kaşalot qusuntusu" və ya "üzən qızıl" da adlandırırlar.

Ənbərdən ətriyyat istehsalı zamanı istifadə edilir.

Bildirilir ki, onun bazar dəyəri 1 kq üçün 50 min dollardır.

Li onu satıb əldə edilən pulları ailəsinə xərcləməyi düşünür. (publika.az)

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.