Maraqlı

“LG” orta büdcəli iki smartfonunu təqdim edib

26 Sentyabr 2020 08:55
Baxış: 889
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"LG" şirkəti eyni anda ortabüdcəli "K62" və "K52" smartfonlarını təqdim edib.

Milli.Az ictnews.az-a istinadən bildirir ki, "LG K62" smartfonu tərəflər nisbəti 20:9 və təsvir ölçüsü FULL HD olan 6,6 düymlük IPS ekran və 28 mp-lik selfi modul üçün kiçik dəliyə malikdir. Smartfonun arxa kamerası 4 sensordan ibarətdir: 48 mp-lik əsas, 115 dərəcə baxış bucağına malik 5 mp-lik super genişbucaqlı obyektiv, makroçəkiliş (2 mp) üçün modul və dərinlik sensoru.

Aparat 2,3 QHs takt tezlikli 8 nüvəli prosessor, 4 QB əməli yaddaş və 128 QB daşıyıcı (daxili yaddaşı artırmaq üçün "microSD" yaddaş kartından istifadə mümkündür) ilə təchiz edilib.

"LG K62" aparatında təhlükəsizlik üçün barmaq izləri skaneri quraşdırılıb. Daxili akkumulyatorun tutumu 4000 milliamper/saat təşkil edir. Smartfon "Android 10" versiyasının idarəetməsi altında işləyir. Yenilik, həmçinin "MIL-STD-810G" hərbi standartının tələblərinə uyğun olan möhkəm korpusa malikdir.

"LG K52" aparatı isə "Full HD" təsvir ölçülü 6,6 düymlük displey, 13 mp-lik ön kamera və 4000 milliamper/saat tutumlu akkumulyatorla təchiz edilib. Bundan başqa, smartfon 4 QB əməli yaddaş və "microSD" yaddaş kartını dəstəkləyən 64 QB daxili yaddaşa malikdir. Qurğunun başqa xüsusiyyətləri böyük modellə eynidir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.