Maraqlı

Dünyanın ilk kriptobankı fəaliyyətə başlayacaq

24 Sentyabr 2020 21:55
Baxış: 272

ABŞ-ın Vayominq ştatının rəhbərliyi, Kraken kriptobirjasına ilk kriptovalyuta bankını açmaq üçün icazə verib.

Milli.Az ted.az-a istinadən bildirir ki, Kraken Financial ixtisaslaşmış depozit müəssisəsini işə salmağa imkan verən bank lisenziyasını əldə edib.

Vayoming ştatında yerləşən şirkət, federal və dövlət qanunvericiliyinə uyğun olaraq bank statusunu almış ABŞ-ın ilk rəqəmsal bankıdır.

Bankın müştəriləri hesabların ödənilməsi üçün rəqəmsal aktivlərdən istifadə edə, əmək haqqını ala və investisiya portfellərini formalaşdıra biləcəklər.

Birinci mərhələdə Kraken Financial yalnız ABŞ sakinlərinə xidmət edəcək, ikinci mərhələdə isə fəaliyyət sahəsinin genişləndirilməsi nəzərdə tutulub.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.