Maraqlı

Telefonlar sərxoşluq dərəcəsini müəyyən edəcək

22 Avqust 2020 08:35
Baxış: 1 099
VTB-də minimal faiz dərəcəsi ilə nağd kredit 10.49%-dən

ABŞ-ın elm adamları insanların avtomobil sürə biləcək dərəcədə sərxoş olub-olmadığını mobil telefonlar vasitəsilə xəbər verən sistem hazırlayıblar.

Milli.Az ted.az-a istinadən bildirir ki, bu yenilik Pittsburq Universitetinin alimlərinə məxsusdur.

Məlumata görə, smartfonları olan şəxslərin spirt istehlakını ölçə biləcək sistem meyar olaraq hərəkət zamanı insanların nə qədər yelləndiklərini nəzərə alacaq. Bunun üçün spirtli içki qəbul etmiş şəxsin 10 addım atması kifayətdir və onun vəziyyəti 90% dəqiqliklə müəyyən olunacaq.

"Hər yerdə bizimlə olacaq çox güclü sensorlarımız var. Ondan ictimai səhiyyə xidməti üçün necə istifadə edə biləcəyimizi öyrənməyimiz lazımdır", - tədqiqat qrupunun rəhbəri Brian Suffoletto qeyd edib.

Araşdırma 21-43 yaşlarında olan 22 nəfərin iştirakı ilə aparılıb. İştirakçılar ABŞ və Böyük Britaniyada sürücülük üçün müəyyən edilmiş spirtli içki limiti 100 ml qanda 80 mq spirtə çatana qədər hər saat "araq-limon" içib və hər 2 saatdan bir düz xətt üzrə 10 addım atıb, geri qayıdıblar. Nəticədə hər dəfə sensorlar spirt həddini aşanları, təxminən, 90% dəqiqliklə müəyyənləşdirib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.