Maraqlı

Azərbaycanda koronavirusa yoluxma azalacaq - Azərbaycanlı alimin riyazi modeli

23 Aprel 2020 21:05

0 Şərh Baxış: 2 043

VTB-də minimal faiz dərəcəsi ilə nağd kredit 10.49%-dən

#SAĞLAMLIQ #KORONAVİRUS

Azərbaycan ərazisində COVID-19 virusuna yoluxma dinamikasının zamandan asılılığının müəyyən edilməsi ilə bağlı Azərbaycan Tibb Universitetində tədqiqat aparılıb. ATU-nun Tibbi və bioloji fizika kafedrasının müdiri, dosent Şahin Bayramov tədqiqatların nəticələrinə əsasən, yoluxma dinamikasının riyazi modelini qurub.

Ş.Bayramovun sözlərinə görə, tədqiqatda ölkəmizdə epidemiyaya qarşı mübarizə sxeminə əsaslanan riyazi modelləşdirmə metodundan istifadə edilib. 1-ci qrafikdə təqdim olunan bu model ölkəmizdə koronovirus epidemiyasının dinamikasını proqnozlaşdırmağa imkan verir.

Alınmış nəticələr hazırda ölkədə tətbiq olunan karantin rejiminin və digər mübarizə şərtlərinin öz müsbət təsirini göstərməklə yanaşı, epidemioloji vəziyyətin tam nəzarət altında saxladığını sübut edib. Qurulmuş riyazi modelə əsasən müəyyən edilib ki, mövcud karantin rejiminin davam etdiyi halda, çox yaxın gələcəkdə, koronavirusa yoluxanların sayının azalması müşahidə ediləcək. Bunu 2-ci qrafikdə göstərilən nəticələrdən görmək mümkündür.

Milli.Az