Maraqlı

Suşi balıqlarında parazit sayı, 40 il əvvələ nisbətdə 283 dəfə artdı

26 Mart 2020 19:30

0 Şərh Baxış: 1 380

#SAĞLAMLIQ

ABŞ-ın Vaşinqton Universitetindən Çelsi Vud və həmkarları, son 40 il ərzində suşi balıqlarının tərkibində olan parazit sayının artdığını göstərən araşdırma aparıb. Çelsi Vud, bu vəziyyətin insan bədəni üçün lazımlı bir təhlükə yaratmadığını, amma yenə də parazit ədədlərinin azaldılmasının lazım olduğunu ifadə etdi.

Yaponiyanın ən məşhur yeməyi olan suşi, bir çox insan tərəfindən tez-tez istehlak edilir. Ancaq çiy balıqdan edilən bu ənənəvi dad göründüyü qədər günahsız olmaya bilər. Bu balıqların tərkibində olan parazitlərə Anisakis soxulcanları adı verilir və Anisakis soxulcanları, müxtəlif dəniz balıqları ilə yanaşı, balina və delfinlər kimi dəniz məməlilərinə də yoluxa bilir.

ABŞ-ın Vaşinqton Universitetindən Çelsi Vud və həmkarları, 1978 və 2015-ci illəri arasında anisakis və ya siyənək soxulcanının miqdarını analiz etdi. Anisakis və ya siyənək soxulcanı ümumiyyətlə yaxşı bişirilməyən çiy dəniz məhsullarında olan bir parazit növü olaraq qarşımıza çıxır. Araşdırma qrupu, 123 fərqli araşdırma apardı və balıq başına orta hesabla parazit sayı haqqında bəzi məlumatlar yığdı. Qrup, bu balıqlarda olan parazit sayının 40 ildə 283 dəfə artdığını müşahidə etdi.

Çelsi Vud, dəniz canlılarını çiy və ya az bişmiş formada yeyən insanlarda bu parazitlərin görülmə ehtimalının yüksək olduğunu söylədi.

Milli.Az