Maraqlı

Boeing-737 MAX təyyarələrinin istehsalı bərpa olunacaq

26 Mart 2020 08:05

0 Şərh Baxış: 889

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

ABŞ prezidenti Donald Tramp "Boeing-737 MAX" təyyarələrinin istehsalını bərpa edəcəklərini bildirib.

Milli.Az ted.az-a istinadən bildirir ki, bu haqda "Reuters" informasiya agentliyi məlumat yayıb.

Məlumata əsasən, sözügedən təyyarələrin istehsal prosesinin may ayına qədər bərpa edilməsi planlaşdırılır. Lakin bəzi mənbələrdə dünyanı cənginə alan COVID 19 pandemiyasına görə, təyyarə istehsalının bir qədər gecikəcəyi də bildirilir.

Qeyd edək ki, ötən ilin dekabr ayında Boeing şirkəti 737 MAX təyyarələrinin istehsalını dayandırdığını elan etmişdi.

Sözügedən təyyarənin istehsalının dayandırılmasına 2019-cu il martın 10-da Efiopiyada 157 nəfərin, 2018-ci ilin oktyabrın 29-da isə İndoneziyada 189 nəfərin ölümünə səbəb olan qəzalardan sonra qərar verilib. İstehsalçı şirkət hər iki hadisədə təyyarələrin manevr qabiliyyətini tənzimləyən sistemdə nasazlıq yarandığını etiraf edib.

Xatırladaq ki, bu iki ağır qəza hadisəsindən sonra bir neçə ölkə sözügedən təyyarənin alışını dayandırıb.

Milli.Az