Maraqlı

Trampla xanımına 2018-ci ildə verilən bahalı hədiyyələr

26 Fevral 2020 01:30
2 Şərh     Baxış: 2 743
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ #DONALD TRAMP

ABŞ Federal Reyestr xidməti 2018-ci ildə federal orqan əməkdaşlarının xarici hökumət rəhbərlərindən aldığı hədiyyələrin siyahısını dərc edib.

Milli.Az qafqazinfo-ya istinadən xəbər verir ki, siyahıda ABŞ Prezidenti Donald Trampla xanımı Melaniya Trampın da adı var.

Sənədə əsasən, amerikalı lider Rusiya Prezidenti Vladimir Putindən Rusiyada keçirilən Futbol üzrə Dünya Kubokuna həsr olunmuş, 1500 dollar dəyərində 12 gümüş pul sikkəsi hədiyyə alıb.

Fransa Prezidenti Emmanuel Makron isə Trampa dəyəri 8 min dollardan çox olan "Louis Vuitton" çantası bağışlayıb.

Kanadanın Baş Naziri Castin Tryudo ABŞ prezidentinə 470 dollarlıq beluqa balinasının təsvir olunduğu mərmər heykəl hədiyyə edib.

Trampların aldığı ən bahalı hədiyyənin dəyəri isə 23,5 min dollarlıq 6 ədəd Nimfenburq çini boşqablarıdır. Bu hədiyyəni Melaniya Trampa Qətər əmiri Tamim ben Hamad Əli Taniu bağışlayıb.

Bundan başqa, Fransanın birinci xanımı Bricit Makron Melaniya Trampa 850 dollarlıq "Givenchy"dən klaç, Misir Prezidenti Əbdül Fəttah əs-Sisidən "Shosha Kamal" dizayn evindən 10 min dollarlıq kreslo, Livanın ABŞ-dakı səfiri Qabriel İssa 450 dollarlıq tunik hədiyyə edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.