Maraqlı

Misirin Natrun Vadisi monastırının UNESCO-nun Dünya İrsi Siyahısına daxil edilməsi barədə müraciət edilib

26 Fevral 2020 02:30
3 Şərh     Baxış: 738

Misir qədim mədəniyyət abidələrindən daha birinin - Natrun Vadisi monastırının UNESCO-nun Dünya İrsi Siyahısına daxil edilməsi ilə bağlı müraciət edib. Bundan əvvəl ölkənin yeddi tarixi-mədəniyyət abidəsi bu siyahıya salınıb.

Milli.Az AZƏRTAC-a istinadən bildirir ki, monastırın aid olduğu İsgəndəriyyənin Əbu Mena məskəni 1979-cu ildə Dünya İrsi Siyahısına daxil edilib. Bu müqəddəs xristian şəhəri eramızın 296-cı ilində vəfat etmiş Müqəddəs Menanın sərdabası ətrafında salınıb.

Həmin ildə Tebes və Memfis nekropolları, Əbu Simbeldəki Nubian heykəlləri, Qahirənin tarixi hissəsi, Müqəddəs Katerin monastırı, Cənubi Sinaydakı İbrahim dağı da siyahıya salınıb. Bundan başqa, Fəyyumda yerləşən və balinaların qalıqlarının olduğu Balina Vadisi də təbiət abidəsi kimi UNESCO-nun siyahısındadır.

Misirin Mədəniyyət və Turizm Nazirliyi artıq zəruri prosedurlara başlayıb. Qeyd olunub ki, Vatikan 2018-ci ildə Natrun Vadisini müqəddəs ziyarət məkanı kimi tanıyıb. Belə ki, Kral Herodun təqibindən qaçan Müqəddəs Ailənin məhz burada sığınacaq tapdığı bildirilir.

Sözügedən monastır Misirin UNESCO-nun Dünya İrsi Siyahısında ilk xristian abidəsi olacaq.

Milli.Az

Məqaləyə dair fotomateriallar:

loading...

Şərh yaz:

3 Şərh:

  • Anonim
    Roya · 26 Fevral 08:1010

    Xocalını unutmayaq!

    Cavab yaz
  • Anonim
    ASİ · 26 Fevral 10:3500

    Xocalini unutmayaq!!!

    Cavab yaz
  • Anonim
    ASİ · 26 Fevral 10:3500

    Xocalini unutmayaq!!!

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.