Maraqlı

Qiyamət günü Həzrət Fatimənin (s.ə) məqamı

14 Yanvar 2020 21:55
8 Şərh     Baxış: 918

Ayətullah Məzahiri, Həzrət Fatimənin (s.ə) Qiyamət günündə tutacağı məqamı barəsində buyurmuşdur: "Peyğəmbərdən (s) gələn hədisdə oxuyuruq: "Qiyamətdə Fatimə (s.ə) Siratdan keçəcəkdir və behiştə daxil olacaqdır. Çadrasının hissələri Siratda qalacaqdır ki, onun bir hissəsi Zəhranın (s.ə) əlində olacaqdır və bir hissəsi də Qiyamət səhnəsində. Bu zaman Allah tərəfindən olan carçı Siratda toplaşan əvvəldən tutmuş axırıncıya qədər olan xəlqə car çəkər: "Ey Fatiməni (s.ə) sevənlər! Onun çadrasının hissələrindən asılın". Bu əmrlə Həzrət Zəhranı (s.ə) sevən çox sayda xəlq, Həzrətin (s.ə) çadrasından yapışaraq, behiştə daxil olacaqlar".

Bu nurani hədisə əsasən Həzrət Zəhranın (s.ə) Qiyamət günü çadrası olacaqdır ki, çox hissələri vardır. Behişt əhli də gərək bu çadrasının hissələrindən yapışsın ki, behiştə gedə bilsin. Bu hədisdə çadra deyildikdə, əslində Xanımın (s.ə) şəxsiyyətinə işarə edən bir metafora nəzərdə tutulmuşdur.

Ona görə də hədisin həqiqi mənası budur ki, Həzrət Fatimeyi-Zəhra (s.ə) Qiyamət günü üstün şəxsiyyətə malik olacaqdır. O, nəsil bağlarından əlavə, həm də xüsusi dini şəxsiyyətə malikdir. Hər kim bu dünyada Xanımın (s.ə) şəxsiyyətinə uyğun yaşayarsa, Qiyamət günü əməlinin əcri olaraq Həzrətin (s.ə) çadrasına çəng vuranlardan olacaqdır. Xanımla (s.ə) birlikdə behiştə daxil olacaqdır.

Çadranın hissələri deyildikdə məqsəd Xanımın (s.ə) imanı, elmi, zahidliyi, səxavəti, fədakarlığı, Həzrətin (s.ə) fəzilətli əxlaqi sifətləridir. Hər kim bu dünyada banunun gözəl sifətlərinə bürünər və sünnətinə əməl edərsə, Qiyamət günü həmin sifətləri sayəsində xilas olar və behiştə daxil olar.

Bu hədis bizə demək istəyir ki, hər kim dünyada Həzrət Zəhranı (s.ə) özünə örnək qərar verərsə, dini və ictimai şəxsiyyətində Xanıma (s.ə) bənzəməyə çalışarsa, Qiyamət günü Xanımın (s.ə) şəfaəti ilə behiştə gedə biləcəkdir".

Milli.Az

loading...

Şərh yaz:

8 Şərh:

  • Anonim
    in · 14 Yanvar 22:0190

    Salam olsun sən ya Fatimə(s)

    Cavab yaz
  • Anonim
    Samire · 14 Yanvar 22:1806

    Belke Hz Fatimenin çadırasından tutan insan bu dünyada pis emeller töredib, pis insan olub, o da cennete düşecek Fatimenin çadırasından tutsa?...Qiyamet ne zaman olacaq ve nece olacaq, onu yalnız Allah biler, yalnız Allah...

    Cavab yaz
  • Anonim
    Samire · 14 Yanvar 23:0106

    Bu nağılı oxuduqda evde hamı güldü sadece olaraq:))

    Cavab yaz
  • Anonim
    Re · 14 Yanvar 23:2880

    Kəbənin catsə əlım pərdəsinə,hailinə, Yazaram lənət ola Fatimənin qatilinə.

    Cavab yaz
  • Anonim
    Samire · 14 Yanvar 23:3515

    Göresen bu nağılı kimler uydurub özünden?

    Cavab yaz
    • Anonim
      Samireye. · 15 Yanvar 08:0840

      Siz bu dunyani nagıl bilin,o dünya sizlik deyil.Elm yox,laglagı çox .

      Cavab yaz
  • Anonim
    günahkar bəndə · 15 Yanvar 11:5420

    SALAMUN ALEYKUM SAMİRƏ X AXİ ORDA İZAH EDİBLƏR (Çadranın hissələri deyildikdə məqsəd Xanımın (s.ə) imanı, elmi, zahidliyi, səxavəti, fədakarlığı, Həzrətin (s.ə) fəzilətli əxlaqi sifətləridir. Hər kim bu dünyada banunun gözəl sifətlərinə bürünər və sünnətinə əməl edərsə, Qiyamət günü həmin sifətləri sayəsində xilas olar və behiştə daxil olar )

    Cavab yaz
  • Anonim
    ALLAH BƏNDƏSİ · 17 Yanvar 15:3000

    ASSALAMU ALEYKI YA FATIMAYI ZAHRA S.A ASSALAMU ALEYKUM VA RAHMATULLAHI VA BARAKATUH

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.