Maraqlı

Uşaqlarda bu əlamətlər SƏTƏLCƏMDƏN xəbər verir

22 Noyabr 2019 23:25
0 Şərh     Baxış: 1 990
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Havalar bir az  soyuyan kimi uşaqlarınəksəriyyəti öskürməyə başlayır. Təbii ki, valideynlər də dərhal təşvişə düşərək, uşağa soyuq dəydiyini zənn edir və öskürəyin keçməsi üçün hər vasitəyə əl atır. Lakin nəzərə almaq lazımdır ki, öskürək heç də hər zaman soyuqdəymənin əlaməti deyil.  Bəzən bu düzgün nəfəs almamağın, virusun, allergiyanın və digər ciddi xəstəliklərin nəticəsi ola bilər.

Milli.Az medicina.az-a istinadən bildirir ki, pediatr Günay Rəsulova açıqlama verib. Onun sözlərinə görə uşaqlarda öskürək hətta sətəlcəmin əlamətləri ola bilər:

"Soyuq hava ilə əlaqədar olaraq uşaqlarda üst tənəffüs yolu xəstəliklərinin sayı artıb. Bu xəstəliklərdən daha çox biz bronxit, rinit, sinusit, tonzilit( angina) kimi infeksiyalara rast gəlirik. Bu infeksiyalar uşaqlarda  əvvəlcə yüksək qızdırma, halsızlıq, iştahsızlıq, qusma, yeməkdən imtina etmə və öskürəklə özünü biruzə verir. Əgər uşaqlarda öskürək aparılan müalicələr baxmayaraq keçmir və qızdırma halı müşahidə olunursa, biz belə uşaqlarda artıq pnevmaniyadan şübhələnməyə başlayırıq".

Pediatrın sözlərinə görə, pnevmaniya çox ağır xəstəlikdir:

"Pnevmaniya ağciyərlərin iltihabı xəstəliyidir. Adətənel arasında sətəlcəm də deyilir. Bu xəstəlik zamanı uşaqda tənginəfəslik, boğulma, xışıltılı tələffüs, halsızlaşma və boğulma halları müşahidə edilir.  Belə uşaqları xüsusilə gecə saatlarında boğucu öskürək tutur. Əgər uşaqda  bu sadalanan əlamətlər varsa mütləq pediatra müraciət etmək lazımdır. Sətəlcəm hətta uşaqlarda ağciyər çatışmazlığına da gətirib çıxarır. Ona görə zamanında həkimə müraciət edib, uşaqda sətəlcəm olub-olmamasını müəyyənləşdirmək lazımdır.  Xüsusilə əgər ev şəraitində aparılan müalicə effekt vermir və uşağın hərarəti getdikcə yüksəlirsə həkim müayinəsi qaçılmazdır".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.