Maraqlı

Çinin biznes və maliyyə mərkəzi - FOTO

20 Noyabr 2019 04:30

0 Şərh Baxış: 882

#DÜNYADA #ÇİN

Yantszı çayının deltasında yerləşən Şanxay Çinin biznes və maliyyə mərkəzi hesab olunur. Çinin müasir iqtisadiyyatının qalası hesab edilən Şanxay dünyanın ən iri liman şəhərlərindən biridir. Belə ki, Şanxay dəniz limanı konteyner dövriyyəsinə görə ardıcıl 9 ildir dünya liderliyini qoruyur. Dünyanın ən iri və tanınmış şirkətlərinin demək olar ki, hamısının Şanxayda ofisi fəaliyyət göstərir. Başqa sözlə, Şanxay Çin iqtisadiyyatının giriş-çıxış "qapı"sıdır.

Tarixi məkanları, müasir göydələnləri, nadir memarlıq nümunələri, o cümlədən "Şərq mirvarisi" televiziya qülləsi (hündürlüyü 468 metr), dünyada ən hündür ikinci bina olan "Şanxay qülləsi" (632 metr), özünəməxsus mətbəxi, şopinq məkanları ilə Şanxay dünyada tanınmış turizm mərkəzlərindən biridir. Ötən il Şanxayı 8,93 milyon əcnəbi turist ziyarət edib. Turizm sektorunda dövriyyə isə 30 milyard dollara çatıb. Şanxayın ortasından keçən Xuanpu çayı, onun üzərindəki körpülər, sahil bulvarı, Avropa memarlıq üslubundakı binalar Şanxaya xüsusi gözəllik verir.

Çində ən sıx metro şəbəkəsinə sahib olan Şanxay dünyada yeraltı dəmir yolu nəqliyyatı ən sürətlə inkişaf edən şəhərdir. Hazırda 17 xətti və 420-dən çox stansiyası fəaliyyət göstərən Şanxay metrosunun gündəlik sərnişindaşıma qabiliyyəti təxminən 10 milyon nəfərə çatır.

Milli.Az Şanxayın gözəlliyini və möhtəşəmliyini oxucuları ilə bölüşmək üçün şəhərdən AZƏRTAC-ın hazırladığı fotoreportajı təqdim edir.

Milli.Az