Sakit okeanda yoxa çıxan qadın pilotun sirli ölümü - FOTOlar

Milli.Az Moderator.az-a istinadən xəbər verir ki, atlantik okeanı ilk keçən qadın pilot Amelia Earthartın itkin düşməsi hələ də yaddaşlarda qalıb.

Tam adı Amelia Mary Earhart olan məşhur qadın pilot və yazar 24 iyul 1897-ci ildə ABŞ-da dünyaya gəlib. Orta məktəbi bitirdikdən sonra ali təhsil almağı düşünsə də, Birinci Dünya Müharibəsi zamanı qazi dostlarıyla görüşündən sonra tibb bacısı kimi işə başlayıb.

Ameliya Atlantik Okeanı tək başına keçən ilk qadın pilotdur. 1928-ci ildə Atlantik okeanı sərnişin olaraq keçən ilk qadın adını qazanıb. 1932-ci ildə isə o, özü Atlantik okeanı keçərək Nyufaundlenddən İrlandiyaya uçub. Bunu başa vurduqdan sonra Ameliya 1935-ci ilin yanvarında  Havay adaları və Kaliforniya arasındakı məsafələrə uçan ilk pilot olub.

1937-ci ildə Ameliya dünya turuna çıxmağı qarşısına məqsəd qoyur və amerikalı həmkarı Fred Nonanla birlikdə "Lokhed Elektra" mühərrikli helikopterlə dünya turuna çıxır. Səyahətinin üçdə ikisini başa vurduqdan sonra Ameliya Sakit Okeanda itir. 

ABŞ tarixində axtarışları xilasedicilər tərəfindən ən yüksək səviyyədə təşkil olunur. Ancaq bir illik axtarışlara baxmayaraq Ameliyanı tapmaq mümkün olmur. Buna görə də onun öldüyünü açıqlayırlar.

Valideynləri isə onun meyitini görməyənə qədər sağ qalacağına ümid edirlər. 

Onun pilot olmasının isə maraqlı tarixçəsi var. Ameliya Birinci Dünya Müharibəsində qazi olan insanların vasitəçiliyi ilə bir müddət tibb bacısı işlədikdən sonra Kanadada qaçqın uşaqlara könüllü olaraq ingilis dilini öyrədib. 1920-ci illərdə dostlarıyla populyar uçuş şoularına tez-tez gələn Ameliya bir müddət sonra özünün də uça biləcəyini kəşf edib. Buna görə də o, tibb bacısı işləməklə yanaşı, operator işləyib, sosiska satıb və hətta anasının yanında yemək də bişirib. Bir müddət sonra uçuş dərslərinə qatılaraq helikopter idarə etməyi öyrənib. O, 1921-ci ildə təkbaşına öz uçuşunu həyata keçirərək daha yaxşı performans göstərib. Ameliya pilot Palmer Putnamla ailə həyatı qurub.

Milli.Az