Maraqlı

“OnePlus” televizorlarının təqdimat tarixi məlum olub

24 Avqust 2019 08:31

0 Şərh Baxış: 586

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

"OnePlus" şirkətinin baş direktoru Pit Lo "Business Insider" resursuna müsahibədə "ağıllı" televizorlar bazarına daxil olmaqla bağlı planlar barədə danışıb.

Milli.Az ICTnews-a istinadən bildirir ki, ilkin olaraq 43, 55, 65 və 75 düym diaqonallı modellərin buraxılışı gözlənilir. Qurğularda proqram platforması kimi "Android" əməliyyat sistemindən istifadə ediləcək.

Baş direktorun sözlərinə görə, televizorların hazırlanmasında "OnePlus" şirkətinin əsas prioritetini təsvir və səs keyfiyyəti təşkil edəcək. Panellər kvant piksellər texnologiyası (QLED) üzrə hazırlanan ekranlarla təchiz ediləcək. Təsvir ölçüsü 3840 × 2160 pikselə (4К) bərabər olacaq.

İlk "ağıllı" televizorların sentyabrda rəsmən təqdim ediləcəyini deyən "OnePlus" rəhbəri onların smartfonlarla sıx inteqrasiya olunacağnı qeyd edib.

"OnePlus" televizorları premium sinfinə aid olacaq. Onların konkret qiyməti hələ ki açıqlanmayıb.

Milli.Az