Maraqlı

Daha bir məşhur Nokia modeli qayıdır

22 Avqust 2019 08:35
0 Şərh     Baxış: 3 291
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Nokia brendi artıq bir neçə dəfə uzun illlər bundan öncə məşhur olmuş telefon modellərinin yeni versiyalarını təqdim edib. Yaxın zamanda bu siyahı daha bir smartfonla genişlənəcək. Belə ki, Nokia keçən onillikdə məşhur olmuş qapaqlı Nokia 2720 telefonunun yeni modelini təqdim edəcək. Yenilənmiş model hal hazırda aktual olan dizayn özəlliklərindən əlavə olaraq təkmilləşdirilmiş sistem təminatı ilə də təchiz olunacaq. Bu barədə Gizchinasaytına istinadən 4pda saytı xəbər verib.

Milli.Az technote.az-a istinadən bildirir ki, Çinin 3C adlı nizamlayıcı orqanının məlumatlar bazasında TA-1170 kod nömrəsinə sahib Nikia modeli aşkar edilib. NokiaPowerUser saytının məlumatına əsasən söhbət məhz Nokia 2720 telefonunun yenilənmiş versiyasından gedir. Məlumata əsasən təqdim olunacaq yeni model hətta 4G şəbəkələrində də çalışa biləcək. Gələn ay orijinal Nokia 2720-nin satışa çıxmasının 10 yaşı tamam olacaq.

Nokia təmsilçiləri hələ bir neçə müddət bundan öncə təsdiq etmişdilər ki, yeni smartfon sentyabr ayının əvvəlində keçiriləcək IFA 2019 sərgisində təqdim olunacaq. Həmin vaxtda onlar söhbətin hansı smartfondan getdiyini bildirməmişdilər. Qeyd etmək lazımdır ki, 2009-u ildə satışa çıxmış Nokia 2720 telefonu 120x160 piksel keyfiyyətli 1.8 düym əsas rəngli ekran, 128x160 piksel keyfiyyətli 1.36 düym əlavə monoxrom ekran və 860 mAh enerji tutumlu batareya ilə təchiz olunurdu.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.