Maraqlı

Dubay aeroportundakı "ağıllı tunel"dən 20 mindən çox sərnişin keçib

24 İyul 2019 21:35
0 Şərh     Baxış: 1 376
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Keçən ilin oktyabırından bu günə kimi Dubayın beynəlxalq hava limanında pasport nəzarətini əvəz edən və sınaq məqsədilə qurulan "ağıllı tunel"dən 20 mindən çox sərnişin istifadə edib.

Milli.Az AZƏRTAC-a istinadən bildirir ki, Dubayın Rezidentlik və Xarici İşlər üzrə İdarəsinin direktoru Məhəmməd əl-Merri tunelin Birləşmiş Ərəb Əmirliklərində işlənildiyini və bu sistemin dünyada analoqu olmadığını deyib. Hava limanının 3-cü terminalının uçuş zonasında quraşdırılmış "ağıllı tunel"dən hakimiyyət orqanlarının ixtiyarında biometrik məlumatları olan Dubay sakinləri və rezidentlər istifadə edə bilir.

"Ağıllı tunel" səyahətçilərə sərhəd nəzarəti postunu pasport və digər şəxsiyyəti təsdiq edən sənədlər təqdim olunmadan 15 saniyəyə keçmək imkanı yaradır. Onun iş prinsipi çoxsaylı videokameralar vasitəsilə insan üzlərini tanımaq üzərində əsaslanır.

İlin əvvəlində Birləşmiş Ərəb Əmirlikləri hakimiyyəti 2020-ci ilədək bütün ölkə ərazisində pasport nəzarətinin tam avtomatlaşdırılması niyyətini açıqlayıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.