Maraqlı

Pələng yatağa girdi, ailə bayıra qaçdı - FOTO

20 İyul 2019 20:02
0 Şərh     Baxış: 1 392
VTB-də minimal faiz dərəcəsi ilə nağd kredit 9.9%-dən
#MARAQLI

Hindistanın Assam ştatında tüğyan edən güclü daşqınlara görə Milli parkdan uzaq düşmüş pələng yerli sakinlərdən birinin evindəki yataqda aşkar olunub.

Heyvanı tapan ətraf mühafizə qurumunun işçilərinə əsasən, leysan yağışlardan sonra yolunu azan yırtıcı bir müddət kəndin ərafında dolaşıb.

Belə görünür ki, trassa kənarına çıxan heyvanı fəal yol hərəkəti ürküdüb və o, buradan uzaqlaşmaq üçün yaşayış məntəqəsinə doğru üz tutub.

Evin içində yatmış halda aşkar edilən dişi pələng xüsusi dəhlizlə yenidən təbiətə qaytarılıb.

Cümə axşamı günü onu artıq Milli park yaxınlığında müşahidə ediblər.

Pələng içəri girəndə...

Yerli mətbuata əsasən, içəri daxil olan pələngi görən kimi ev sahibləri geri çəkilərək qonşu mağazaya sığınıblar.

Pişiklər niyə tək yaşamağı sevir?
"Vacib olan budur ki, onu narahat edən olmayıb və [pələng] yaxşıca dincələ bilib", - Motilal adlı ev sahibi deyib.

Ölkənin şimal-şərqində yerləşən Kaziranqa qoruğunda daşqınlara görə, müxtəlif növlərə aid, 90-dan artıq heyvanın öldüyü bildirilir.

Milli.Az

Məqaləyə dair fotomateriallar:

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.