Maraqlı

Microsoft şirkəti holoteleportasiya texnologiyasını sərgiləyib - VİDEO

23 İyul 2019 08:25

1 Şərh Baxış: 1 806

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Microsoft Inspire sərgisi çərçivəsində şirkət öz əməkdaşının tam holoqramını səhnədə əks etdirdi. Həmin holoqram öz əsl prototipinin nitqini yapon dilinə tərcümə edirdi. Bu barədə Hightech.plus saytı xəbər verib. Beləliklə şirkət öz sərgisində holoteleportasiya texnologiyasını sərgiləyib. Microsoft Inspire sərgisində çıxış edən zaman Microsoft şirkətinin Azure şöbəsinin vitse-prezidenti Julia White HoloLens 2 artırılmış reallıq cihazından istifadə edərək özünün tam holoqram versiyasını yaradıb.

Milli.Az technote.az-a istinadən bildirir ki, holoqramın nitqi isə avtomatik olaraq yapon dilinə tərcümə olunurdu. Bununla belə, tərcümə zamanı holoqramın üz mimikaları olduğu kimi qalırdı. Məlumata əsasən bu cür texnologiyanın sərgilənməsi zamanı şirkətin bir neçə texnologiyasından istifadə olunub: Azure-un nitqi mətnə çevirən sistemi, Azure Speech Translation tərcümə sistemi və mətni nitqə çevirən Azure Speech Services.

Holoteleportasiya texnologiyası vasitəsilə HoloLens artırılmış reallıq cihazından istifadə edərək insanlar uzaq məsafədə yerləşən digər insanlarla danışıq ünsiyyəti qura bilərlər. Bu halda elə bir hiss yaranacaq ki, sanki uzaq məsafədə olan insan əslində çox yaxındadır. Microsoft son bir neçə il ərzində bu texnologiyanı aktiv şəkildə inkişaf etdirir.

Milli.Az