Maraqlı

Bu qidalar dişləri və diş ətini qoruyur

20 İyul 2019 21:10
0 Şərh     Baxış: 648

Ağız və diş sağlamlığı üçün gigiyena qaydalarına riayət etməklə yanaşı, qəbul edilən qidalar və içkilər də önəmlidir.

Milli.Az e-tibb.az-a istinadən bildirir ki, dişləri və diş ətini qorumaq üçün qəbul edilən qidalara diqqət etmək vacibdir. Nəzərə almaq lazımdır ki, qidalar ilk növbədə dişlərlə təmasda olur və birinci onlara təsir edir.

Bəs hansı qidalar və içkilər dişlərə faydalıdır?

Bu sırada birinci süd və süd məhsulları gəlir. Süd, qatıq, pendir, kəsmik diş və diş sağlamlığı üçün əvəzolunmaz sayılır. Bu qidalar kalsium və fosfatla zəngin olduğuna görə dişləri qoruyur, çürümənin qarşısını alır.

Meyvə və tərəvəzlər isə tərkiblərindəki minerallar və vitaminlər sayəsində dişləri qoruyur. Diş əti üçün isə daha çox nar və C vitamini ilə zəngin olan portağal, naringi, çiyələk qəbul etmək faydalı sayılır.

Dişlərin sağlamlığı və onların ağ qalması üçün banan və onun qabığı ən yaxşı təbii vasitədir. Amma şəkərlə çox zəngin olduğuna görə, çox istifadə etmək yolverilməz hesab olunur.

Quru üzüm haqqında da eyni fikirlər keçərlidir.

Yaşıl çay, digər bitki çayları, eləcə də cəfəri antibakterial maddələr və andioksandantlarla zəngin olduqlarına görə, diş və diş ətinin qorunmasında mühüm rola malikdir.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.