Maraqlı

Təkəbbürlü padşahın hidayəti

11 İyul 2019 22:20
0 Şərh     Baxış: 1 663
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Nəql edirlər ki, Misirdə bir padşah vardı ki, çox təkəbbürlü və sərt, hətta əzazil idi. Bir gün bir dəstə tacir onun yanına gedir. Təzim etdikdən sonra padşaha deyirlər ki, onların bütün malını bu diyarda olan quldurlar qarət etmişdir. Ondan bu işi araşdırmağı xahiş edirlər. Deyirlər ki, filan yerdə 40-a yaxın qorxmaz insan yaşayır ki, onların rəhbərinin adı Sanuhdur. Onlar bir dəstə qurub, insanların malını qarət edirlər.

Milli.Az deyerler.org-a istinadən bildirir ki, padşah da vəzirini çağırır ki, bir dəstə götürüb bu quldurları dəf etmək üçün getsin.

Vəzir deyir: "Əgər Allah yardım göndərsə, belə edərəm".

Padşah qəzəblənir və deyir: "Məgər səhrada yaşayan iki-üç quldurun nə qüdrəti vardır ki, sən onlara qələbə çalmağı Allaha tapşırırsan?".

Vəzir deyir: "Ey padşah! Qələbə və zəfər ordunun çoxluğu ilə deyildir. Əslində Allahın iradəsi və təqdiri ilədir".

Padşah qəzəblənir və əmr edir ki, vəzirini həbs etsinlər. Sonra deyir ki, mən özüm gedəcəyəm və görəcəyəm ki, Allah mənə necə yardım etmir.

O zaman ki, padşah ordusunun həmin dəstəyə yaxın gətirir, Sanuh öz tərəfdaşlarına deyir ki, əgər bu müharibədə nöqsan etsək, məğlub olacağıq. Yaxşı olar ki, Allahın inayətinə təvəkkül edək. Əgər öləriksə də, təqsirimiz olmaz.

Onlar öz tayfalarından bayıra çıxıb, hücum etdilər. Bu ruhiyyə ilə padşahın ordusunu məğlub etdilər. Padşah bu səhnəni görüb nərə çəkdi ki, insanların malını oğurlamaqdan xəcalət çəkmirsiniz?

Sonra atına minib dağa tərəf çapdı. Orada bir mağara tapıb istiğfar ilə məşğul olmağa başladı.

Dedi: "Allahım, başa düşdüm ki, Sənin yardımın olan zaman şirlərə qalib gəlmək olur!".

O, bu mağarada 40 gün ağlayır və nalə çəkərək tövbə edir. Nəhayət 40-cı günü bir səs eşidir ki, tövbəsinin qəbul olduğunu ona söyləyir.

Padşahın yoxluğunu hiss edən saray əhli ordu toplayıb, onu axtarmaq üçün yola düşür. Bu zaman padşah mağaradan bayıra çıxır və görür ki, saray əhli ordu ilə birlikdə onu axtarır. Padşahı görən saray əhli atlarından yerə düşür və ona xidmət edirlər. Padşah da bu ordunun yardımı ilə Sanuha qalib gəlir.

Elə ki, sarayına qayıdır, taxta çıxıb deyir: Mən indiyə qədər ancaq orduma və xəzinəmə etimad edirdim. Bu yolla imanımı əldən vermişdim. Başıma gələnlər sayəsində hidayət oldum.

Qoy indi insanlar bilsinlər ki, məni Allahpərəstəm, artıq əzazil deyiləm".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.