Maraqlı

Dubay universitetlərində azad iqtisadi zonalar yaradılacaq

11 Mart 2019 22:52
0 Şərh     Baxış: 722
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Dubay universitetlərinin nəzdində tələbələrin işgüzar və yaradıcı fəallığının artırılmasının təşviqi məqsədilə azad iqtisadi və kreativ zonalar yaradılacaq.

Milli.Az AZƏRTAC-a istinadən bildirir ki, Dubayın vəliəhd şahzadəsi Həmdan bin Məhəmməd bin Rəşid Al Maktum bununla əlaqədar strategiya imzalayıb. Strategiyanın məqsədi tələbələrin təhsilinə, araşdırmaların aparılmasına və maliyyələşdirilməsinə dəstək göstərilməsi və yeni nəsil müvəffəqiyyətli iş adamlarının hazırlaşdırılmasıdır. Bu strategiya Dubayın 50 il ərzində Yer kürəsinin ən yaxşı şəhərinə çevrilməsi planının bir hissəsidir.

Bu planın reallaşması sayəsində tələbələr öz arzu və təşəbbüslərini həyata keçirə biləcək, dünya isə yeni nəsil - uğurlu lider və biznesmenlər qazanacaq.

Sözügedən strategiya "Dubai Future" fondunun digər dövlət qurumları ilə əməkdaşlığı çərçivəsində hazırlanıb. Sənədə əsasən aparıcı beynəlxalq araşdırma institutları və universitetləri ilə əməkdaşlıq da həyata keçiriləcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.