Maraqlı

Ərbəin ziyarəti və Aşura – vilayətin xeyməsidir

16 Oktyabr 2018 22:50

3 Şərh Baxış: 1 171

#DİN

Seyyidüş-şühədanın (ə) şəhadət nurundan 40 gün keçməklə, Ərbəin gəlir. İndi tarix, Aşuranın qanına boyanan gecə və gündüzə əsasən hərəkət edir. Bəşər həyatı bu faciənin böyüklük və əzəməti qarşısında baş əyir.

Milli.Az deyerler.org-a istinadən bildirir ki, İmam Hüseynin (ə) o günü Kərbəlada əkdiyi Aşura ağacı Ərbəin günündə qol-budaq verib böyümüş və meyvəsini müsəlmanlara təqdim etmişdir.

Ərbəin ziyarətinin Əhli-Beytin (ə) yanında xüsusi məqam və əhəmiyyəti vardır. Belə demək olar ki, əgər namaz dinimizin sütunudursa, Ərbəin ziyarəti və Aşura - vilayətin xeyməsidir.

Ona görə də o şeylər ki, namazın fəziləti haqqında bəyan edilir, Ərbəin ziyarətinə də aid edilir. Hədislərimiz buyurur ki, Aşura hadisəsindən sonra səma 40 gün İmam Hüseyn (ə) üçün ağlamışdır. Ona görə də Ərbəin həm də səma əhlinin ziyarət günüdür.

Ərbəin yürüşü nəinki müsəlmanların, o cümlədən başqa dində olan Hüseyn (ə) sevənlərin də yürüşüdür. Bu beynəlxalq yürüş Hüseyn (ə) sevənləri birləşdirir və dinləri bir-birinə yaxın edir. Bu yürüş bir daha göstərir ki, Aşura hadisəsi unudulmamışdır və qəlblərdə qalmaqdadır.

Zalımlar hər nə qədər onun nurunu söndürməyə çalışsalar da, buna müvəffəq olmayıblar. Bu nur nəinki sönməmiş, əslində daha da artmış və güclənmişdir. Bu yolla öz ardınca nəinki müsəlmanları, eləcə də başqa dinlərin davamçılarını da aparmaqdadır. Bu da Aşura hərəkatının yetişdiyindən xəbər verir.

Salam olsun sənə, ey Əba Abdullah!

Salam olsun sənə, ey Seyyidüş-şühəda!

Səni sevənləri Qiyamət günü unutma, ya Hüseyn (ə)!

Milli.Az