Tutuquşuların zehni inkişafı... - FOTO

Vyana Universitetlərindən olan tədqiqatçı alimlər Qoffin kakaduları (Cacatua goffiniana) üzərində apardıqları araşdırmaların şok nəticələrini elan ediblər. Zəka testi edilən tutuquşuların ixtiyari şəkildə ağıllı davranışları alimləri təəccübləndirib.

Milli.Az xəbər verir ki, daha əvvəl də bu tutuquşular üzərində tədqiqatlar aparılıb. Alimlər hesab edir ki, bu quşların zehni inkişafı, məktəbəqədər azyaşlı uşaqların zehni inkişafından çox daha sürətli və məhsuldardır.
Bir qrup alim bu kimi tədqiqatların təsadüf nəticəsində gerçəkləşdirildiyini iddia etdiyi üçün, alimlər bunun həqiqətən təsadüf, yoxsa xüsusi qabiliyyət olduğunu müəyyən etməyə çalışıblar.

Sınaqlar əhilləşdirilmiş 8-i erkək və 5-i dişi olmaqla 13 quş üzərində aparılıb. Əvvəl quşlar müxtəlif əmək alətlərinin olduğu qəfəsdə saxlanılıb. Onların müxtəlif formalı predmetlərə münasibətləri müşahidə edilib.
Daha sonra, sınağın ilk tapşırığı kimi xüsusi iki qəfəs qoyaraq quşların bu qəfəsi açmalarını müşahidə ediblər. Nəticə etibari ilə içərisində şirniyyat olmayan qəfəsi açmaq üçün quşlar elə də böyük səy göstərməyiblər. Lakin içərisində şirniyyat qoyulan qəfəsə meyl daha çox olub.

Qəfəsi açmaq üçün xüsusi üçbucaq quruluşunda olan fiquru qəfəsin üzərində qoyulan müvafiq boşluğa eyni istiqamətdə taxmaq lazımdır. Quşlar sadəcə 5 dəqiqə içərisində müxtəlif fiqurlu predmetlər arasından məhz lazım olan (üçbucaq formalı açarı) açarı götürərək qəfəsi açıb şirniyyatı götürüblər.
Sözügedən sınaq testləri daha əvvəl meymunlar üzərində bu qədər qısa zamanda müsbət nəticələr vermişdir.

Ümumiyyətlə, Qoffina kakadusu ən ağıllı quş hesab edilmir. Bir qrup alimlər iddia edir ki, normal şəraitdə quşlar bu predmetlərin heç birindən istifadə etməyərək bu sınaqların öhdəsindən gələ bilirlər. Bu heç də xüsusi hal hesab olunmur. (publika.az)

Milli.Az