Maraqlı

Türkan Şoraydan bəd xəbər - FOTO

20 Sentyabr 2016 17:17

10 Şərh Baxış: 15 623

VTB-də minimal faiz dərəcəsi ilə nağd kredit 9.9%-dən

#MARAQLI #TÜRKİYƏ #MƏŞHURLAR

"Yeşilçam"-ın əfsanəvi aktrisası Türkan Şoray fanatlarını kədərləndirəcək xəbər verib.

Milli.Az publika.az-a istinadən bildirir ki, Türkiyə Metabolizm Cərrahiyyə Fondunun gecəsinə türk kinosunun sultanı Türkan Şoray da qatılıb. Aktrisa gecədə səhhəti ilə bağlı açıqlama verib. Usta sənətkar kuşinq sindromuna tutulduğunu etiraf edib. O, "Çox nadir görünən bu xəstəlikdən mən də əziyyət çəkirəm".

Kuşinq sindromu nədir?

Kuşinq sindromu tez-tez qadınlarda rast gəlinən haldır. Bu xəstəlik zamanı qadın hədsiz dərəcədə kökəlir, qanda şəkərin miqdarı yüksəlir. Xəstələrin böyrəklərində şəkər olur. Böyrəküstü vəzilərindən kortizol adlı hormon hasil edilir. Əgər bu hormon böyrəküstü vəzilərindən çox miqdarda istehsal olunarsa, ya da kortizon adlı dərman uzun müddət yüksək miqdarda istifadə edilsə, kuşinq xəstəliyi meydana gəlir. Bu xəstəlik ilk dəfə amerikalı həkim Harvey Kuşinq tərəfindən tapılıb.

Piylənmədən fərqli olaraq, kuşinq sindromu üçün xarakterik simptomları çiyin, ayaq və sağrı əzələlərinin atrofiyaya uğramasıdır. Məhz buna görə də, xəstə ayağa qalxdıqda çətinlik çəkir. Qarın əzələlərinin atrofiyaya uğraması qarnın "qurbağayabənzər" olmasına gətirib çıxarır və beləliklə də qarnın ağ xətt yırtıqlarının yaranmasına səbəb olur. Bundan başqa, Kuşinq sindromu üçün nəzərə çarpan damar şəkilli və "mərmər" dəri xarakterikdir.

Piylənmənin proqressiv şəkildə artması və dəridə kollagenin azalması dəridə striya və ya cırılmalara gətirib çıxarır. Striyalar tünd qırmızı və ya bənövşəyi rəngdə olub qarın, bud əzələsinin içəri yuxarı hissəsində, süd vəzilərində, çiyinlərdə yerləşir və striyaların ölçüləri bir neçə santimetrə qədər ola bilər. Bəzən dəridə xırda səpgilər və kiçik ölçülü qansızmalar yarana bilər.

Milli.Az