Qadın bədəni, ehtiras, iyrənclik, yalan və pul - FOTO

Feminizmin 50 illik tarixi boyunca "qadınlarla kişilər bərabərdir", "gender bərabərliyi olmalıdır", "seksizmə son qoyulmalıdır" deyənlərin sayı artsa da, onların real uğurları azalmaqdadır.
 

Milli.Az bildirir ki, qadınların ehtiras mənbəyi kimi istifadəsinə yönəlmiş biznes sürətli inkişafındadır.

Bunun ən bariz sübutlarından biri də "Victoria's Secret" brendinin şouları sayıla bilər.

London, "Earl's Court", "Victoria's Secret"in ənənəvi illik moda şousu.
 

Brendin sanki dindarlara istehza ilə "mələklər" adlandırdığı 47 model podiumda alt paltarında var-gəl edir, əyinlərindəki alt paltarlarından daha çox, vücudlarını göstərir.
 

Zaldakı 3 min tamaşaçı da defileni şövqlə izləyir.

Simalar gərilib, kişilərin gözlərində ehtiras, qadınların baxışlarında paxıllıq və laqeydlik.

Kişilər baxışları ilə onsuz da yarıçılpaq modelləri soyundurur, qadınların tam əksəriyyəti isə defiledəki modellər təki vücuda malik olmamalarını düşünərək sarsılır, qəzəblənirlər.
 

Biletlər də heç ucuz deyildi: ən ucuzu 15 min dollar.

Moda ekspertləri deyirlər ki, "Victoria's Secret"in kolleksiyalarındakı alt paltarları orta statistik qadın üçün çox narahatdır. Al və qara rəngdə bol atlas, çoxlu kəmərciklər.
 

Amma kimin vecinə ki...

Əsas məsələ ehtiras, şəhvət - ən aşağılıq hisslərin yaradılmasıdır.

Brendin saytı da sanki porno-resursdur: hər tərəfdə çılpaq, yarıçılpaq qadın bədənləri.
 

Bu saytın tamaşaçıları arasında ehtiras düşkünü olan kişilərlə yeniyetmələr daha çoxdur.

Onlar kütlədir, plebsdir.

Mayli Sayrusun mahnılarından həzz alan, "X Factor" kimi şoulara baxan məxluqlar.

"Victoria's Secret" isə pul qazanır. Özü də yaxşı pul.
 

Brend ABŞ-da qadın alt paltarı bazarının 35 faizinə nəzarət etməklə yanaşı, 6 milyard dollarlıq dövriyyəyə malikdir.

Şirkətin qıcıq yaradan şoularından biri də ənənəvi "Victoria's Secret Fashion Show"dur.

İlk dəfə 1995-ci ildə Nyu-Yorkdakı "Plaza Hotel"də keçirilmiş şou 1999-cu ildən bəri İnternetdə onlayn göstərilir, sonra müxtəlif telekanallarda nümayiş olunur.
 

On milyonlarla insan bu şouya baxır.

Şou isə moda nümayişindən daha çox striptizə bənzəyir.

Bu gözəllikdirsə, çox eybəcər anlamlı vücud nümayişidir.
 

Podiumdakı gözəllərin vücudlarına "bəh-bəh" deyənlər isə orada yeriyən, bədənlərini göstərən qadınların nə əzablar çəkdiklərini bilmirlər.

Bu modellər çox sərt pəhriz saxlayır, özlərinə sözün əsl mənasında zülm verirlər.
 

Çünki yaxşı bilirlər ki, "kökəlsələr", yəni normal bədənli olsalar, qovulacaqlar, indiki təki qlamur ulduzlar olmayacaqlar, milyonlar qazanmayacaqlar.

"Victoria's Secret"in ən məşhur modellərindən biri Adriana Lima müsahibələrində demişdi: "Pulu asanlıqla qazandığımızı düşünməyin. Həyatımızı bu işə qurban vermişik. İstədiyimiz yerə gedə bilmirik, istədiyimizi yemək imkanından məhrumuq. Hər dəfə şoudan 8 saat əvvəl su içmirəm. Ümumiyyətlə, içmirəm. Çünki su içəndə qarnımın şişman olmasından qorxuram. Mən yediyimi normal insan yeməz, çünki rasion anormaldır. Az qala hər kalorini saymaq məcburiyyətindəyik".
 

Alessandra Ambrosio isə şoudan 12 saat əvvəl heç nə yemədiyini, içmədiyini deyib.

Və ən nəhayət, şouda bədənlərini nümayiş etdirən qadınlar göründükləri kimi gözəl deyillər.

Çünki hər şouda 25 qrimçi, 25 stilist onları "qlamur" hala gətirir.
 

Vizajistlər, makiyaj ustaları hər şoudan əvvəl bu qadınların simalarına 3-qat makiyaj vururlar.

Ümumiyyətlə isə şouda hər modelə 3,5 litr krem, boya və s. sərf olunur.
 

Plastik cərrahiyyə də öz yerində.
 

Milli.Az

Böyütmək üçün şəkillərə klikləyin.