Maraqlı

Xanımlara küçələrdə belə sataşırlar - VİDEO - FOTO

29 Oktyabr 2014 10:58

8 Şərh Baxış: 3 387

VTB-də minimal faiz dərəcəsi ilə nağd kredit 9.9%-dən

#DÜNYADA #FOTOREPORTAJLAR #FOTOSESSİYA #MARAQLI

Namusdan, qeyrətdən, izzət və irzdən danışmağı xoşlayanlar həmişə olub, indi də yox deyillər.

Amma dünyanın bütün ölkələrində küçədə işinin dalınca gedən xanımlara söz atanlar bəs deyincədir.

Özünü dünyanın ən demokratik ölkəsi sayan ABŞ-da da.

Amerikalılar "yox, bizdə belə tərbiyəsizlik ola bilməz, yoxdur" söyləyirlər və bu səbəbdən də Şoşanə Roberts adlı xanım iddiaların puçluğunu sübut etmək qərarına gəlib.

Milli.Az ABC-yə istinadən bildirir ki, Pensilvaniyadakı Ketztaun Universitetinin tələbəsi, 24 yaşlı Şoşanə Roberts dar qara tişort, qara cins geyinərək Nyu-York küçələrində dolaşıb.

Şoşanənin dostu Rob Bliss isə bir qədər irəlidə gedərək baş verənləri gizli kamera ilə çəkib.

Səhər başlanan "marafon" 10 saat davam edib. Küçələri dolaşan Şoşanəyə 108 dəfə söz atıblar, sataşıblar.

"Necəsən, gözəl?!", "Ey, şirin!", "Gülümsəsənə!", "Əzizim!", "Min dollarlıq şirinsən!", "Axşamı yaxşı keçirəkmi, gözəl?!" və s. kimi ifadələri eşidən Şoşanənin dediyinə görə, hisslərə qapılıb bu adamlara cavab verməməyə, səbirli və təmkinli davranmağa çalışırdı.

"Bəziləri fit çalır, bəziləri yanımla uzun müddət yeriyir, bəziləri də çirkin təkliflər edirdilər. Başıma gələnlər unikal hadisə deyil. Böyük şəhərlərdən tutmuş, kiçik qəsəbələrədək hər yerdə qadınlar belə təzyiqlərə, təhqirlərə, ağaşılanmalara məruz qalırlar. Evdə, məktəbdə, universitetdə, işdə təzyiq və sataşmalarla barışmırıqsa, küçədə niyə barışmalıyıq ki?! - Şoşanə söyləyib.

Milli.Az

Böyütmək üçün şəkillərə klikləyin.