Maraqlı

Nissan yeni nəsil Maxima təqdim etdi - FOTO

11 Aprel 2015 23:14

1 Şərh Baxış: 4 209

VTB-də minimal faiz dərəcəsi ilə nağd kredit 9.9%-dən

#AVTO #NİSSAN MOTOR CO LTD #HYUNDAİ MOTOR CO LTD

"Nissan" şirkəti rəsmi olaraq yeni nəsil sedan "Maxima" təqdim edib. Şirkətin özündə avtomobili "dördqapılı sportkar" adlandırırlar. Yeniliyin debütü Nyu-York avtosalonunda olub.

Milli.Az auto.az-a istinadən bildirir ki, model ABŞ-da bu yay satışa çıxarılacaq və qiyməti 32410 dollardan başlayacaq. Yenilik 5 komplektasiya variantı ilə təklif ediləcək. Avtomobilin əsas rəqibi, deyilənə görə, "Hyundai Genesis"dir.

Avtomobilin dizaynı bir çox cizgilərinə görə 2014-cü ildə Detroyt avtosalonunda təqdim edilmiş konsept "Sport Sedan"ı təkrarlayır: damda rəvan xətlər, aqressiv formalı fənər və faralar, V-şəkilli radiator barmaqlığı, bir qədər qaldırılmış arxa bamper.

Avtomobilin salonunda dəridən idman oturacaqları quraşdırılıb. "Maxima" 8-düymlü sensor displeyi olan yenilənmiş multimedia sistemi və mühərriki işə salan sistemlə təchiz edilir.

İdman sedanı bir sıra yardım sistemləri, o cümlədən uyğunlaşdırılmış kruiz-nəzarət, fövqəladə əyləc, kor zonaları monitorinq edən "Blind Spot Detection", arxa hərəkətə nəzarət və sürücünün yorğunluğunu müəyyənləşdirən sistemlər, habelə ətraf nəzarət kameraları ilə də təchiz edilir.

"Maxima"nın kapotu altında təkmilləşdirilmiş 3,5-litrlik V6 benzin mühərrik quraşdırılıb. O, 300 a.g.-ə malikdir. Orta yanacaq sərfiyyatı 100 km məsafəyə 7,8 litrdir.

Milli.Az

Böyütmək üçün şəkillərə klikləyin.