Maraqlı

1.5 milyonluq uduş "buxarlandı" - İnanılmaz hadisə

21 Mart 2026 22:15
Baxış: 1 280
VTB-də minimal faiz dərəcəsi ilə nağd kredit 9.9%-dən
#PUL #AVRO

Bavariyada bir kişi lotereyada qazandığı 1.5 milyon avroluq uduşdan yanacaqdoldurma məntəqəsinin əməkdaşının hərəkətinə görə məhrum olub.

Milli.Az xəbər verir ki, bu barədə "Bild" nəşri məlumat yayıb.

Hadisə 2024-cü ilin aprelində Qrasbrunn qəsəbəsində baş verib. Yerli sakin "Spiel 77" lotereyasına aid biletini yoxlatmaq üçün yanacaqdoldurma məntəqəsinə təqdim edib. Kassir Patrik D. biletdə 1 477 777 avro məbləğində böyük uduş olduğunu görsə də, müştəriyə heç nə qazanmadığını bildirib. Bundan sonra kişi bileti kassanın üzərində qoyaraq məntəqəni tərk edib. İşçi isə bileti götürərək iyul ayında mükafatı almaq üçün lotereya qərargahına müraciət edib.

Lakin "qalib"lə aparılan müsahibə zamanı şübhələr yaranıb. Mütəxəssislər müəyyən ediblər ki, həmin şəxs bileti təqdim edilən satış nöqtəsində işləyib. Qaydalara görə isə əməkdaşların öz iş yerlərində lotereya bileti almasına icazə verilmir. Bu səbəbdən lotereya təşkilatı ödənişdən imtina edib və hadisə barədə polisə məlumat verilib.

Araşdırma nəticəsində biletin əslində başqa şəxsə məxsus olduğu təsdiqlənib. Lakin biletin əsl sahibi hələ müəyyən edilməyib və çek olmadığı halda həmin şəxs uduşu tələb edə bilməyəcək.

Məhkəmə prosesi 2026-cı ilin martında Münhen Dairə Məhkəməsində keçirilib. Patrik D. məhkəmə qarşısında təqsirini etiraf edib və dələduzluq maddəsi ilə 15 ay şərti cəzaya məhkum olunub. (Oxu.Az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.