Maraqlı

İldə 100 min dollardan çox qazanırdı - Hər şeyi atıb "toyuq işi"nə BAŞLADI

21 Mart 2026 15:08

Baxış: 2 257

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #CANADA #KANADA #HEYVANLAR

Kanadada nüfuzlu banklardan biri olan Scotiabank-da çalışan 27 yaşlı Endryu Fletçer yüksək maaşlı və perspektivli karyerasını gözlənilmədən tərk edib.

Milli.Az xəbər verir ki, o, illik 100 min dollardan çox qazanc əldə etsə də, fasiləsiz Zoom iclasları, hesabatlar və ofis mühiti səbəbindən ciddi psixoloji tükənmə yaşadığını anlayıb.

Nəticədə Fletçer həyatını kökündən dəyişmək qərarı verib. Gənc bütün əmlakını - mənzilini, mebellərini və digər əşyalarını sataraq Filippinin Siarqao adasına bir tərəfli bilet alıb. O, burada tərəfdaşı ilə birlikdə 1 hektar torpaq sahəsi alaraq fermerliyə başlayıb.

Hazırda keçmiş bank işçisi 15 min toyuq saxlayır və kənd təsərrüfatı ilə məşğuldur. Bahalı kostyumları şortla əvəz edən Fletçer gününü artıq kompüter qarşısında deyil, açıq havada, fiziki əməyə sərf edir.

Onun fermasında onlarla yerli sakin çalışır. Fletçer həm iş yerləri yaradıb, həm də işçilərini təzə ət və yumurta ilə təmin edir.

O bildirib ki, əvvəlki həyatında qazandığı pulları xərcləməyə belə vaxt tapmırdı: "Hiss edirdim ki, həyatımı pul qarşılığında hissə-hissə satıram. İndi isə günəşlə oyanıram, əllərimlə işləyirəm və son 10 ildə ilk dəfə özümü həqiqətən canlı hiss edirəm". /Musavat.com

Milli.Az