Maraqlı

“Qanlı Ay” haralarda görünəcək?

3 Mart 2026 13:28
Baxış: 1 632
VTB-də minimal faiz dərəcəsi ilə nağd kredit 9.9%-dən
#HADİSƏ #AY TUTULMASI

2026-cı ilin ilk Ay tutulması artıq başlayıb.

Milli.Az xəbər verir ki, tutulma saat 12:44-də start götürüb və 18:23-də yekunlaşacaq. Maksimum mərhələ isə 11:33-ə təsadüf edir.

Bu hadisə tam Ay tutulmasıdır. Onu Asiya, Avstraliya, Şimali və Cənubi Amerika, həmçinin Arktika, Antarktida və Sakit, Atlantik, Hind okeanı ərazilərində izləmək mümkündür. Azərbaycanda isə Ay həmin vaxt üfüqdən aşağıda və gündüz saatlarına düşdüyü üçün tutulma müşahidə olunmayacaq.

"Qanlı Ay" adlandırılan hal məhz tam tutulma zamanı baş verir. Bu zaman Yer Günəşlə Ayın arasına keçərək Günəş şüalarının Ay səthinə birbaşa düşməsinin qarşısını alır və Yerin kölgəsi Ayın üzərinə düşür. Atmosferdən keçən Günəş şüalarının əsasən uzun dalğalı - qırmızı hissəsi Ay səthinə çatdığı üçün peyk qırmızımtıl rəng alır.

Qeyd edək ki, Ay tutulmaları yalnız tam Ay fazasında mümkündür və Günəş tutulmalarından daha uzun davam edir. Tam Ay tutulması təxminən 1 saat 45 dəqiqəyə qədər çəkə bilər. Günəş tutulmasından fərqli olaraq, Ay üfüqdən yuxarıda olduğu bütün ərazilərdə bu hadisəni izləmək mümkündür.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.