Maraqlı

Dünyada ilk iikitərəfli televizor təqdim olundu

14 Fevral 2026 12:45
Baxış: 878
VTB-də minimal faiz dərəcəsi ilə nağd kredit 9.9%-dən
#TELEVİZOR

TPV Technology Group şirkəti korpusun hər iki tərəfində ekranla təchiz edilmiş dünyada ilk televizoru nümayiş etdirib.

Mill.Az xəbər verir ki, innovativ model TechRadar portalının diqqətini cəlb edib.

GP TV adlanan model iki funksional tərəfə - şərti olaraq ön və arxa hissəyə malikdir. Hər iki tərəfdə diaqonalı 48 düym olan ekran quraşdırılıb. Displeylər OLED matrisasına əsaslanır və 4K təsvir ölçüsünü dəstəkləyir. Quruluşda təkrar emal edilmiş xammaldan hazırlanmış metal dayaqlardan istifadə olunub. Bundan əlavə, cihaz Dolby Atmos texnologiyasını dəstəkləyir.

Şirkət nümayəndələri bildiriblər ki, GP TV konsepsiyası eyni anda bir neçə nəfərin istifadəsi üçün nəzərdə tutulub. Bu, xüsusilə oyun sessiyaları zamanı praktik həll kimi qiymətləndirilir. Model həmçinin dövlət sektoru və hökumət qurumları üçün uyğun cihaz kimi təqdim olunur.

"Belə konfiqurasiya qeyri-adi görünür. Çünki televizor və monitorların əksəriyyəti adətən divara və ya masa üzərinə yerləşdirilir ki, bu da arxa ekranı faktiki olaraq faydasız edir", - deyə jurnalistlər icmalda qeyd ediblər.

Ekspertlərin fikrincə, texnoloji yeniliyə baxmayaraq, iki tərəfli form-faktorun praktik faydası ilə bağlı müəyyən suallar qalmaqdadır. Yeniliyin qiyməti və satışa çıxarılma tarixi açıqlanmayıb. Şirkət isə cihazın premium seqmentə aid olduğunu vurğulayır.

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.